فكروا معايا كده
لو انت بتجري بأقصي سرعه عندك, و مرة واحده جه حد شبك ايده في ايدك و بيجري معاك, أنت أسرع منه بكتيييير, و مع تشابكه معاك هو قلل سرعتك شويه و انت زودت سرعته شويه و وجدتوا سرعه وسط مابينكم انتوا الاتنين و بكده بقي في ترابط تام ما بينكم, لأنه لو هدي سرعته اكتر من كده هيعطلك و لو انت سرعت اعلي من كده هو هيقع...
طيب فكر معايا كده, لو مره واحده هو ساب ايدك, اندفاعك هيبقي أعلي من سرعتك الحقيقيه فا هيحصل تخبط و تلغبط و ممكن تقع كمان, زي ما بيحصل لما انت بتنزل من اتوبيس و هو ماشي بييبقي جسمك مندفع و سرعتك الحقيقية صفر فابيحصل اضطراب و لو ما حاولتش تظبط سرعتك مع اندفاعك هتقع..
و هذا ما يحدث في سباق الحياة, ناس بتشبك ايديك في ايديهم علشان تقطعوا مشوار الحياة مع بعض, و فمرة واحده يسيبوك و انت مندفع أقصي اندفاع فتلاقي نفسك بتقع و لما هتقع محدش هيسمي عليك, هيبقي قدامك خيار واحد بس, أنك تزود سرعتك علشان تساويها مع الاندفاع, تجري باقصي ما عندك في سباق الحياه, تشتغل و تبني و تعمل و ماتضيعش وقتك و تحاول و تجاهد انك ما تقعش, لأن الوقوع طعمه مر, و في الزمن الغريب ده, مافيش وقت للحزن و البكاء, يا تلحق يا متلحقش...
يا رب ألحق
لو انت بتجري بأقصي سرعه عندك, و مرة واحده جه حد شبك ايده في ايدك و بيجري معاك, أنت أسرع منه بكتيييير, و مع تشابكه معاك هو قلل سرعتك شويه و انت زودت سرعته شويه و وجدتوا سرعه وسط مابينكم انتوا الاتنين و بكده بقي في ترابط تام ما بينكم, لأنه لو هدي سرعته اكتر من كده هيعطلك و لو انت سرعت اعلي من كده هو هيقع...
طيب فكر معايا كده, لو مره واحده هو ساب ايدك, اندفاعك هيبقي أعلي من سرعتك الحقيقيه فا هيحصل تخبط و تلغبط و ممكن تقع كمان, زي ما بيحصل لما انت بتنزل من اتوبيس و هو ماشي بييبقي جسمك مندفع و سرعتك الحقيقية صفر فابيحصل اضطراب و لو ما حاولتش تظبط سرعتك مع اندفاعك هتقع..
و هذا ما يحدث في سباق الحياة, ناس بتشبك ايديك في ايديهم علشان تقطعوا مشوار الحياة مع بعض, و فمرة واحده يسيبوك و انت مندفع أقصي اندفاع فتلاقي نفسك بتقع و لما هتقع محدش هيسمي عليك, هيبقي قدامك خيار واحد بس, أنك تزود سرعتك علشان تساويها مع الاندفاع, تجري باقصي ما عندك في سباق الحياه, تشتغل و تبني و تعمل و ماتضيعش وقتك و تحاول و تجاهد انك ما تقعش, لأن الوقوع طعمه مر, و في الزمن الغريب ده, مافيش وقت للحزن و البكاء, يا تلحق يا متلحقش...
يا رب ألحق
هناك ٤ تعليقات:
ازيك محمد كلامك تحفة انا خلصتة و بئول هايل هايل بس ياخى حرام عليك كبرت نفسك اوى كدة لية . الكلام دة يئولة واحد شارب من الدنيا كتير اوى وقطع شوط كبير من عمرة بجد محدش بيعلم بالساهل واحنا موجدين دلوقتى علشان نتعلم و انت احسن من غيرك كتير كمل و لو وقعت هم و ئوم و استئنف الحياة. متشلش هم الدنيامحدش و اخد منها حاجة .يلا سلام شد حيلاك مصر مستنياك :P
شكرا يا فاطمه علي كلامك و علي التشجيع
و ان شاء الله انا هحاول ماقعش, و بعدين خبرة الواحد في الدنيا مش دايما بتتحسب بعمره, ايوه انا ماشفتش كتير قوي, بس اللي شفته كفاني معرفه بحال الدنيا المتخبط و الايقاع السريع للحياه..
و علي العموم كلنا بنجاهد و ان شاء الله ربنا هيوفقنا...
كل عام وانتم بخير وادعوكم لمشاهدة موضوع فضيحة جامعة القاهره وهذا الموضوع اقسم انه حقيقي
تحياتى
al3ozamaa.blogspot.com
هتلحق يامحمد باذن الله
إرسال تعليق