ولا حـــــــــــــــاجــــــــــــــــــه
الاثنين، ديسمبر ٣١
الخميس، ديسمبر ٢٧
يا تلحق يا متلحقش
فكروا معايا كده
لو انت بتجري بأقصي سرعه عندك, و مرة واحده جه حد شبك ايده في ايدك و بيجري معاك, أنت أسرع منه بكتيييير, و مع تشابكه معاك هو قلل سرعتك شويه و انت زودت سرعته شويه و وجدتوا سرعه وسط مابينكم انتوا الاتنين و بكده بقي في ترابط تام ما بينكم, لأنه لو هدي سرعته اكتر من كده هيعطلك و لو انت سرعت اعلي من كده هو هيقع...
طيب فكر معايا كده, لو مره واحده هو ساب ايدك, اندفاعك هيبقي أعلي من سرعتك الحقيقيه فا هيحصل تخبط و تلغبط و ممكن تقع كمان, زي ما بيحصل لما انت بتنزل من اتوبيس و هو ماشي بييبقي جسمك مندفع و سرعتك الحقيقية صفر فابيحصل اضطراب و لو ما حاولتش تظبط سرعتك مع اندفاعك هتقع..
و هذا ما يحدث في سباق الحياة, ناس بتشبك ايديك في ايديهم علشان تقطعوا مشوار الحياة مع بعض, و فمرة واحده يسيبوك و انت مندفع أقصي اندفاع فتلاقي نفسك بتقع و لما هتقع محدش هيسمي عليك, هيبقي قدامك خيار واحد بس, أنك تزود سرعتك علشان تساويها مع الاندفاع, تجري باقصي ما عندك في سباق الحياه, تشتغل و تبني و تعمل و ماتضيعش وقتك و تحاول و تجاهد انك ما تقعش, لأن الوقوع طعمه مر, و في الزمن الغريب ده, مافيش وقت للحزن و البكاء, يا تلحق يا متلحقش...
يا رب ألحق
لو انت بتجري بأقصي سرعه عندك, و مرة واحده جه حد شبك ايده في ايدك و بيجري معاك, أنت أسرع منه بكتيييير, و مع تشابكه معاك هو قلل سرعتك شويه و انت زودت سرعته شويه و وجدتوا سرعه وسط مابينكم انتوا الاتنين و بكده بقي في ترابط تام ما بينكم, لأنه لو هدي سرعته اكتر من كده هيعطلك و لو انت سرعت اعلي من كده هو هيقع...
طيب فكر معايا كده, لو مره واحده هو ساب ايدك, اندفاعك هيبقي أعلي من سرعتك الحقيقيه فا هيحصل تخبط و تلغبط و ممكن تقع كمان, زي ما بيحصل لما انت بتنزل من اتوبيس و هو ماشي بييبقي جسمك مندفع و سرعتك الحقيقية صفر فابيحصل اضطراب و لو ما حاولتش تظبط سرعتك مع اندفاعك هتقع..
و هذا ما يحدث في سباق الحياة, ناس بتشبك ايديك في ايديهم علشان تقطعوا مشوار الحياة مع بعض, و فمرة واحده يسيبوك و انت مندفع أقصي اندفاع فتلاقي نفسك بتقع و لما هتقع محدش هيسمي عليك, هيبقي قدامك خيار واحد بس, أنك تزود سرعتك علشان تساويها مع الاندفاع, تجري باقصي ما عندك في سباق الحياه, تشتغل و تبني و تعمل و ماتضيعش وقتك و تحاول و تجاهد انك ما تقعش, لأن الوقوع طعمه مر, و في الزمن الغريب ده, مافيش وقت للحزن و البكاء, يا تلحق يا متلحقش...
يا رب ألحق
الأحد، ديسمبر ٢٣
اللهم لا ترد السؤال
ماشيين أحنا في طريق الحياة
ناس جعانه و عريانه
و ناس اللي عايزاه بتلقاه
طب الجعان و عرفنا ماله
ايه اللي تعبه و مبهدل أحواله
ايه بقي اللي الرب شاله
من الشبعان و شاغل باله
رزق الرب انواع كثيرة
مش كله فلوس و دهب و خميره
صحبتك رزقك في دنيتك
و من غيرها حياتك بلا نيله
و حبيبتك رزقك في زنقتك
بتشيل عنك هموم كبيره
فيا رب لا أسألك المال
و لا اسألك كل الجمال
اسألك ربي صحبه الخير
أسألك ربي فلا ترد السؤال
ناس جعانه و عريانه
و ناس اللي عايزاه بتلقاه
طب الجعان و عرفنا ماله
ايه اللي تعبه و مبهدل أحواله
ايه بقي اللي الرب شاله
من الشبعان و شاغل باله
رزق الرب انواع كثيرة
مش كله فلوس و دهب و خميره
صحبتك رزقك في دنيتك
و من غيرها حياتك بلا نيله
و حبيبتك رزقك في زنقتك
بتشيل عنك هموم كبيره
فيا رب لا أسألك المال
و لا اسألك كل الجمال
اسألك ربي صحبه الخير
أسألك ربي فلا ترد السؤال
الخميس، ديسمبر ٢٠
الدنيا ديه لعبه و أحنا اللاعيبه
السلام عليكم
حاليا و في الوقت الراهن, سائت اوضاعي المعنويه و النفساوية نظرا لأقتراب الامتحانات و ابتعاد الاحباء ده غير شويه حاجات علي الماشي كده تكرفك و تخليك مش طايق تبص لنفسك في المرايه و ماشي بتشاكل دبان وشك.. زززززززن
و بعد سلسله من الهزائم الساحقه اللي لحقت بي و أوقعت بي في فخ الملل و الفشل, و في يوم من أسود الايام دخلت البيت علي الساعه 12 او 1 صباحا و كنت بتخانق مع دبان وشي و طبعا أمي أخدت بالها مني و قالت لأبويا و أبويا قعد يتكلم معايا و قالي حكم غاليه جدا:
قالي أن الدنيا مش حرب, الدنيا لعبه: لأن الحرب مافيهاش غير هزيمه ماحقه و خسارة كل شيء او فوز ساحق و امتلاك كل شيء, ولكن في اللعب في فوز و خساره و خساره و فوز لكن مافيش حد بيكسب كل حاجه أو بيخسر كل حاجه و ده حال الدنيا.
و قالي كمان أن الخسرانيين في لعبه الدنيا نوعين, ناس بتغرق في دموع الخساره, و ناس بتتخذ من الخساره حافز للمكسب, لكن طبعا ده ميمنعش اننا نحزن بس مانخليش حزننا يحبطنا و يمنعنا من التحضير للمباراه القادمه...
و نصيحه من أغلي النصائح كانت لما قالي أن صعب جدا ان الانسان يلعب كذا مباراه في وقت واحد, هي مباراه واحده تلعبها و تركز فيها و لو كسبت تجهز نفسك للمباراه اللي بعدها اما لو خسرت فلازم تعرف أنت خسرت ليه و يبقي قدامك طريقين يا أما تلعب نفس المباراه تاني أو تدور علي ماتش تاني تنزل فيه بخبرتك اللي اكتسبتها من الخساره..
وفعلا كلام والدي صح, و أصح ما فيه انه مسموح لنا الحزن ولكن في حدود, نحزن علي تقصيرنا ولا نحزن علي ما فاتنا, لكي لا ناسي علي مافاتنا ولا نفرح بما اتانا... ولازم نتخذ من خسارتنا دروس و عبر.
و بعد سلسله من الهزائم الساحقه اللي لحقت بي و أوقعت بي في فخ الملل و الفشل, و في يوم من أسود الايام دخلت البيت علي الساعه 12 او 1 صباحا و كنت بتخانق مع دبان وشي و طبعا أمي أخدت بالها مني و قالت لأبويا و أبويا قعد يتكلم معايا و قالي حكم غاليه جدا:
قالي أن الدنيا مش حرب, الدنيا لعبه: لأن الحرب مافيهاش غير هزيمه ماحقه و خسارة كل شيء او فوز ساحق و امتلاك كل شيء, ولكن في اللعب في فوز و خساره و خساره و فوز لكن مافيش حد بيكسب كل حاجه أو بيخسر كل حاجه و ده حال الدنيا.و قالي كمان أن الخسرانيين في لعبه الدنيا نوعين, ناس بتغرق في دموع الخساره, و ناس بتتخذ من الخساره حافز للمكسب, لكن طبعا ده ميمنعش اننا نحزن بس مانخليش حزننا يحبطنا و يمنعنا من التحضير للمباراه القادمه...
و نصيحه من أغلي النصائح كانت لما قالي أن صعب جدا ان الانسان يلعب كذا مباراه في وقت واحد, هي مباراه واحده تلعبها و تركز فيها و لو كسبت تجهز نفسك للمباراه اللي بعدها اما لو خسرت فلازم تعرف أنت خسرت ليه و يبقي قدامك طريقين يا أما تلعب نفس المباراه تاني أو تدور علي ماتش تاني تنزل فيه بخبرتك اللي اكتسبتها من الخساره..
وفعلا كلام والدي صح, و أصح ما فيه انه مسموح لنا الحزن ولكن في حدود, نحزن علي تقصيرنا ولا نحزن علي ما فاتنا, لكي لا ناسي علي مافاتنا ولا نفرح بما اتانا... ولازم نتخذ من خسارتنا دروس و عبر.
فوعد قطعته علي نفسي:
1- مش هلعب أكثر من لعبه في وقت واحد.
2- مش هاحزن علي خسارة قد ما هاحزن علي تقصير.
3- هتعلم من خسارتي.
السبت، ديسمبر ٨
ويلات
أحيانا نجد من فرض نفسه علي حياتنا
نشعر في البدايه بتطفله بل و نبغضه
و لكن مع الوقت
نجد أننا قد أعتدنا علي وجوده
و يمر الوقت و نجد أننا
لا نتخيل حياتنا بدونه
و يبدوا لنا
انه قد احتل مكانا كبيرا في حياتنا
ولكنه أحتلال مرغوب
فاذا تحررنا منه
نجد أنه ترك ورائه فراغا كبيرا يصعب ملؤه
و لكن سرعان ما يحدث ما نخشاه
و يكون التحرير
و نجد وقتها
ان ذاك المتطفل الذي كنا نبغضه
جعلنا بفراقه نبغض حياتنا بدونه
فيا ويلنا ممن نسمح لهم بالتطفل علي حياتنا
و يا ويل من يسمح لنا بالتطفل علي حياته
نشعر في البدايه بتطفله بل و نبغضه
و لكن مع الوقت
نجد أننا قد أعتدنا علي وجوده
و يمر الوقت و نجد أننا
لا نتخيل حياتنا بدونه
و يبدوا لنا
انه قد احتل مكانا كبيرا في حياتنا
ولكنه أحتلال مرغوب
فاذا تحررنا منه
نجد أنه ترك ورائه فراغا كبيرا يصعب ملؤه
و لكن سرعان ما يحدث ما نخشاه
و يكون التحرير
و نجد وقتها
ان ذاك المتطفل الذي كنا نبغضه
جعلنا بفراقه نبغض حياتنا بدونه
فيا ويلنا ممن نسمح لهم بالتطفل علي حياتنا
و يا ويل من يسمح لنا بالتطفل علي حياته
الأربعاء، ديسمبر ٥
مملكة الأرض
في زمان بعيد و مكان أبعد, جلس أمير علي سريره قبل النوم, و أخذت ترتسم علي وجهه ملامح الحزن العميق, حزن لم يجربه من قبل و لم يعتقد في يوم من الأيام انه سيمر به, فقد كان أميرا علي مملكه تتسع ما اتسع المشرق و المغرب و تمتد من الشمال الي الجنوب و كان فيها خيرا كثيرا, و لكن ما حدث لهذه المملكه من نكبات و هزائم حطم عزم الرجال فيها و منهم اميرنا, و جعل منهم اجمعين امثال رجال, انفاس تحيهم و أرجل تحركهم من دون عقل ولا قلب..
جلس اميرنا يتأمل حاله, و كيف عصفت الرياح باماله و احلامه التي بناها في خياله و اعتمد من حوله عليه في تحقيقها, و كيف تحولت الامور و انقلبت, فبعد أن كان اميرا لمملكه الأرض الاكثر اتساعا اصبح الان اميرا علي بلده صغيره فقيره عجوز, و يبدوا أن أميرنا قد أستسلم لاشباح الهزيمه حتي اصابه المرض و اصبح لا يقوي علي ممارسات الحياة الاعتياديه, و بعد عنه اصدقائه و اعوانه و تركوه للموت و الهم.
و في يوم من الايام افاق اميرنا علي صوت الضحكات في الخارج, فخرج ليسأل عن السبب الذي جعل الضحك يعود لحياه مملكته المصغره, و علم ان سكان المدينه باعوا اسلحتهم التي استعملوها في الحرب, و نسوا ما كان و حولوا ما تبقي من وطنهم الي سيرك ترفيهي بعد ان كان وطن معروف بصلابته و جموده و شدته, بعد ان كان وطن لا يرقص الا علي طبول الحرب و لا يضحك الا علي اعدائه المهزومين. حول السكان وطنهم الي سيرك ترفيهي, تحول فيه الجنود الي راقصين و راقصات, و كان علي اميرنا الاختيار, هل يبقي في حزنه أم يرقص مع من رقص, و كان قرار اميرنا الرقص و الضحك, فقد قرر أن يتخلص من جموده و قوته و صلابته و عقله و أن يرقص و يغني و يضحك.
و بالفعل رقص اميرنا و فعل ما فعل, و مرت ايامه ترقص معه و يمر اليوم كما مر اليوم الذي سبقه, و لجأ الي المسكرات و مذهبات العقل حتي ذهب عقله تماما و اصبح كالمجنون بل أجن فلا يري امامه ولا يسمع ولا يشعر, حتي قلق شعبه عليه و سألوه:
أين أحلامك التي وعدتنا بها
رد قائلا:
لا أجد من احققها معهم, فقد ذهبت الأرض و ذهب الناس, اختفي الجنود و ظهر الراقصين, فما انا فيه منكم, و ما أنتم فيه من اوهامكم و اوهامي.
و قد رضي شعبه بالرد, و اخذوا يستمرون في رقصهم و ضحكاتهم, و نسوا احلامهم في حياه أفضل و مستقبل اعظم, حتي جاء اليوم..
يوم اشرقت شمس جديده انارت المدينه, شمس مختلفه, شمس تستمر ليل نهار, شمس أخترقت ظلمات حياتهم و اضائت لهم الطريق و فتحت اعينهم علي الامل من جديد, جائت الشمس في عربه ماره علي المدينه مرور الكرام, عربه يجرها حصانين صغيرين هزيلين, و يبدوا ان طول المسافه قد ارهقهما فقررت صاحبه العربه ان تريحهما في مدينه اميرنا و تنهي مسيرتها في هذه المدينه الصغيرة.
نزلت صاحبه العربه من عربتها, و اخذت تنظر للجميع و تتسائل:
أين أجد من يعينني
فاشاروا الي اميرهم, فذهبت اليه في هدوء تطلب منه ان تتخذ من مدينته وطنا لها, و بعد تردد و تفكير ليس بطويل وافق الامير علي طلبها, و سعدت بموافقته طويلا و احبته كثيرا بل عشقته, و مع مرور الوقت احبها هو و اعتاد عليها, فبعد ان كانت حياته فارغه ملأتها هي بصوتها و صورتها.
و منذ ذلك اليوم و تبدلت الأحوال في المدينه الحزينه, فأصبحت تعم بفرحه حقيقه, و عاد الأبطال الي عملهم بعد ان تركوا السيرك, فعاد الجنود جنود, و أخذ الأمير يجهز عدته وجيشه لاستعاده ملكه و مملكته, فكان يعمل ليل نهار و طوال الوقت, و لم يعد ذاك المتقاعد المريض, بل تحول الي وحش كاسر يسن اسنانه لينقض علي فريسته.
و كان يخطب في شعبه يوميا فيقول:
لم أكن اجد من اعمل لأجله, لم أكن أجد من أضحي لأجله, و الان وجدتها, فهي من تصبرني علي سعيي و تداوي حزني و مرضي و تبعد عني هواجسي, و قد جعلت لي هدفا احيا لأجله, فهدفي أن أستعيد عرشي مجددا و أكون ملكا و تجلس هيا مليكتي و مليكه علي مملكتي العظيمه.
و قد كان اميرنا يعمل ليل نهار, يعمل و قلبه متعلق بمحبوبته و اميرته, فكلما أحس بالأرهاق الشديد و تذكرها كان يعود لعمله مره اخري, و كلما احس بميله الي الترفيه ولو لقليل تذكر انها تنتظر عرشها بجواره فعاد الي عمله مسرعا.. فقضي ليله ونهاره في العمل, و مع حبه لها و تعلقه بها الا انه كان لا يراها ولا يتحدث معها كثيرا و كان لا يعطيها ما تطلبه كل امرأه تحب, كان لا يعطيها العشق, فلم يقترب منها و لم يلمسها, و لم يقل لها أحبك الا قليلا, و لكن في نفسه كان يعدها بأن يعطيها العشق التي تستحقه ولكن بعد ان يجعل منها ملكه, فقد كان مشغول بعمله عنها, و لكنه كان دائما متذكرها.
و مع كل ما كان يفعله من اجلها, الا انه جاء اليوم وجري بينهم الحوار المشئوم, بدأ بحراره العشاق:
محبوبتي و جميلتي, اشتقت اليك كثيرا.
ردت قائله:
اذا كنت مشتاق, فلما البعد.
قال:
بعدت لأبني لك قصر الملك.
قالت:
أي قصر يا هذا. أنت مهزوم و هزيمتك ساحقه لك. أنسي ما كان و فكر فيما سيكون.
قال:
ما سيكون هو عودتي ملكا و انت ملكه بجواري.
قالت:
و متي هذا الوعد.
قال:
عليك بالصبر.
قالت:
و انا معك من الصابرين.
و لكن يبدوا ان الاخيره لم تعني ما قالت, فألحت عليها انوثتها في طلب العشق, حتي عماها شيطانها و اضلها عن الطريق و أخذت تتذمر و الغيظ يقتلها, تسأله كلما رأته عن العشق فيرد قائلا:
لكل وقت اذان.
و تعاود السؤال مره اخري بالحاح, حتي اصبحت هي مشكله اميرنا وليست من تساعده في حل مشاكله, و اصبحت هم و غم في ليل ونهار الأمير حتي عاد مره اخري الي مرضه و حزنه و ألمه, و انشغل عقله عن العمل و تباطئت خطواته في السعي الي ملكه حتي تعطل عن تحقيق حلمه.
و كان أمام أميرنا طريقين:
أيعشقها كما لم يعشق عاشق من قبل و يرضي انوثتها؟؟
أم يسعي الي مسعاه و يحقق له و لها الملك؟؟
و قرر في النهايه أن يسلك الطريق الثاني, فالطريق الأول كان سيضمن له العشق و الحب و لكنه كان سيضمن ايضا له ولها الفقر و التعاسه في ظل الهزيمه.
أما الطريق الثاني فسيقودهما الي الملك و العز بجانب العشق و الحب, و لكنه طريق صعب لأنه يحتاج الي صبر مسلكيه, فالعمل أولا ثم جني ثماره بالحب.
و بعيدا عن صواب اختياره من عدمه, فقد نال الخيار سخط المحبوبه ورفضته بشده حتي تسأل هو:
أترفضه لأنها لم تفهمه لصغر سنها, ام ترفضه لطبيعتا الانثويه و ان اي امرأه مكانها كانت لترفضه؟
و جاء اليوم, يوم الفراق, يوم عاد الأمير من عمله ليجد الشمس قد غابت, و العربه قد رحلت, وهدفه الجديد في الحياه قد رحل مع العربه....
فقد رحلت محبوبته, رحلت أميرته, رحلت من كان في قراره ان يبني مستقبله معها.
بحث عنها قليلا و لكنه استفاق متسائلا:
هل انتهي تعلقه بالحياه؟
هل تلاشي امله في ملك و مليكه؟
هل يعود الي مرضه و حزنه و ألمه و بكائه؟
هل يفتتح السيرك مره أخري و يجعل من الجنود الشجعان راقصين؟
أم يستمر في طريقه, و يستعيد مملكته؟
و لكنه تسائل ايضا:
و ما نفع المملكه من دون مليكه؟
و كان يرد علي نفسه:
ليست من يبحث عنها لتكون مليكته, فمليكته الحقيقيه لازالت تنتظره عل شوق, هي من يبحث عنها و هو من تبحث عنه, هي من تستحق أن تجلس علي العرش بجواره, هي من يأتمنها علي نفسه و وطنه وولده, هي من يثابر و يجاهد ويعود ليجدها حضنا دافئا تخلصه من همومه, هي من ترسم البسمه علي وجهه في عز همومه, هي من تحل له مشاكله و لا تكون هي مشكلته, هي.. و هي.. و هي..
جلس اميرنا يتأمل حاله, و كيف عصفت الرياح باماله و احلامه التي بناها في خياله و اعتمد من حوله عليه في تحقيقها, و كيف تحولت الامور و انقلبت, فبعد أن كان اميرا لمملكه الأرض الاكثر اتساعا اصبح الان اميرا علي بلده صغيره فقيره عجوز, و يبدوا أن أميرنا قد أستسلم لاشباح الهزيمه حتي اصابه المرض و اصبح لا يقوي علي ممارسات الحياة الاعتياديه, و بعد عنه اصدقائه و اعوانه و تركوه للموت و الهم.
و في يوم من الايام افاق اميرنا علي صوت الضحكات في الخارج, فخرج ليسأل عن السبب الذي جعل الضحك يعود لحياه مملكته المصغره, و علم ان سكان المدينه باعوا اسلحتهم التي استعملوها في الحرب, و نسوا ما كان و حولوا ما تبقي من وطنهم الي سيرك ترفيهي بعد ان كان وطن معروف بصلابته و جموده و شدته, بعد ان كان وطن لا يرقص الا علي طبول الحرب و لا يضحك الا علي اعدائه المهزومين. حول السكان وطنهم الي سيرك ترفيهي, تحول فيه الجنود الي راقصين و راقصات, و كان علي اميرنا الاختيار, هل يبقي في حزنه أم يرقص مع من رقص, و كان قرار اميرنا الرقص و الضحك, فقد قرر أن يتخلص من جموده و قوته و صلابته و عقله و أن يرقص و يغني و يضحك.
و بالفعل رقص اميرنا و فعل ما فعل, و مرت ايامه ترقص معه و يمر اليوم كما مر اليوم الذي سبقه, و لجأ الي المسكرات و مذهبات العقل حتي ذهب عقله تماما و اصبح كالمجنون بل أجن فلا يري امامه ولا يسمع ولا يشعر, حتي قلق شعبه عليه و سألوه:
أين أحلامك التي وعدتنا بها
رد قائلا:
لا أجد من احققها معهم, فقد ذهبت الأرض و ذهب الناس, اختفي الجنود و ظهر الراقصين, فما انا فيه منكم, و ما أنتم فيه من اوهامكم و اوهامي.
و قد رضي شعبه بالرد, و اخذوا يستمرون في رقصهم و ضحكاتهم, و نسوا احلامهم في حياه أفضل و مستقبل اعظم, حتي جاء اليوم..
يوم اشرقت شمس جديده انارت المدينه, شمس مختلفه, شمس تستمر ليل نهار, شمس أخترقت ظلمات حياتهم و اضائت لهم الطريق و فتحت اعينهم علي الامل من جديد, جائت الشمس في عربه ماره علي المدينه مرور الكرام, عربه يجرها حصانين صغيرين هزيلين, و يبدوا ان طول المسافه قد ارهقهما فقررت صاحبه العربه ان تريحهما في مدينه اميرنا و تنهي مسيرتها في هذه المدينه الصغيرة.
نزلت صاحبه العربه من عربتها, و اخذت تنظر للجميع و تتسائل:
أين أجد من يعينني
فاشاروا الي اميرهم, فذهبت اليه في هدوء تطلب منه ان تتخذ من مدينته وطنا لها, و بعد تردد و تفكير ليس بطويل وافق الامير علي طلبها, و سعدت بموافقته طويلا و احبته كثيرا بل عشقته, و مع مرور الوقت احبها هو و اعتاد عليها, فبعد ان كانت حياته فارغه ملأتها هي بصوتها و صورتها.
و منذ ذلك اليوم و تبدلت الأحوال في المدينه الحزينه, فأصبحت تعم بفرحه حقيقه, و عاد الأبطال الي عملهم بعد ان تركوا السيرك, فعاد الجنود جنود, و أخذ الأمير يجهز عدته وجيشه لاستعاده ملكه و مملكته, فكان يعمل ليل نهار و طوال الوقت, و لم يعد ذاك المتقاعد المريض, بل تحول الي وحش كاسر يسن اسنانه لينقض علي فريسته.
و كان يخطب في شعبه يوميا فيقول:
لم أكن اجد من اعمل لأجله, لم أكن أجد من أضحي لأجله, و الان وجدتها, فهي من تصبرني علي سعيي و تداوي حزني و مرضي و تبعد عني هواجسي, و قد جعلت لي هدفا احيا لأجله, فهدفي أن أستعيد عرشي مجددا و أكون ملكا و تجلس هيا مليكتي و مليكه علي مملكتي العظيمه.
و قد كان اميرنا يعمل ليل نهار, يعمل و قلبه متعلق بمحبوبته و اميرته, فكلما أحس بالأرهاق الشديد و تذكرها كان يعود لعمله مره اخري, و كلما احس بميله الي الترفيه ولو لقليل تذكر انها تنتظر عرشها بجواره فعاد الي عمله مسرعا.. فقضي ليله ونهاره في العمل, و مع حبه لها و تعلقه بها الا انه كان لا يراها ولا يتحدث معها كثيرا و كان لا يعطيها ما تطلبه كل امرأه تحب, كان لا يعطيها العشق, فلم يقترب منها و لم يلمسها, و لم يقل لها أحبك الا قليلا, و لكن في نفسه كان يعدها بأن يعطيها العشق التي تستحقه ولكن بعد ان يجعل منها ملكه, فقد كان مشغول بعمله عنها, و لكنه كان دائما متذكرها.
و مع كل ما كان يفعله من اجلها, الا انه جاء اليوم وجري بينهم الحوار المشئوم, بدأ بحراره العشاق:
محبوبتي و جميلتي, اشتقت اليك كثيرا.
ردت قائله:
اذا كنت مشتاق, فلما البعد.
قال:
بعدت لأبني لك قصر الملك.
قالت:
أي قصر يا هذا. أنت مهزوم و هزيمتك ساحقه لك. أنسي ما كان و فكر فيما سيكون.
قال:
ما سيكون هو عودتي ملكا و انت ملكه بجواري.
قالت:
و متي هذا الوعد.
قال:
عليك بالصبر.
قالت:
و انا معك من الصابرين.
و لكن يبدوا ان الاخيره لم تعني ما قالت, فألحت عليها انوثتها في طلب العشق, حتي عماها شيطانها و اضلها عن الطريق و أخذت تتذمر و الغيظ يقتلها, تسأله كلما رأته عن العشق فيرد قائلا:
لكل وقت اذان.
و تعاود السؤال مره اخري بالحاح, حتي اصبحت هي مشكله اميرنا وليست من تساعده في حل مشاكله, و اصبحت هم و غم في ليل ونهار الأمير حتي عاد مره اخري الي مرضه و حزنه و ألمه, و انشغل عقله عن العمل و تباطئت خطواته في السعي الي ملكه حتي تعطل عن تحقيق حلمه.
و كان أمام أميرنا طريقين:
أيعشقها كما لم يعشق عاشق من قبل و يرضي انوثتها؟؟
أم يسعي الي مسعاه و يحقق له و لها الملك؟؟
و قرر في النهايه أن يسلك الطريق الثاني, فالطريق الأول كان سيضمن له العشق و الحب و لكنه كان سيضمن ايضا له ولها الفقر و التعاسه في ظل الهزيمه.
أما الطريق الثاني فسيقودهما الي الملك و العز بجانب العشق و الحب, و لكنه طريق صعب لأنه يحتاج الي صبر مسلكيه, فالعمل أولا ثم جني ثماره بالحب.
و بعيدا عن صواب اختياره من عدمه, فقد نال الخيار سخط المحبوبه ورفضته بشده حتي تسأل هو:
أترفضه لأنها لم تفهمه لصغر سنها, ام ترفضه لطبيعتا الانثويه و ان اي امرأه مكانها كانت لترفضه؟
و جاء اليوم, يوم الفراق, يوم عاد الأمير من عمله ليجد الشمس قد غابت, و العربه قد رحلت, وهدفه الجديد في الحياه قد رحل مع العربه....
فقد رحلت محبوبته, رحلت أميرته, رحلت من كان في قراره ان يبني مستقبله معها.
بحث عنها قليلا و لكنه استفاق متسائلا:
هل انتهي تعلقه بالحياه؟
هل تلاشي امله في ملك و مليكه؟
هل يعود الي مرضه و حزنه و ألمه و بكائه؟
هل يفتتح السيرك مره أخري و يجعل من الجنود الشجعان راقصين؟
أم يستمر في طريقه, و يستعيد مملكته؟
و لكنه تسائل ايضا:
و ما نفع المملكه من دون مليكه؟
و كان يرد علي نفسه:
ليست من يبحث عنها لتكون مليكته, فمليكته الحقيقيه لازالت تنتظره عل شوق, هي من يبحث عنها و هو من تبحث عنه, هي من تستحق أن تجلس علي العرش بجواره, هي من يأتمنها علي نفسه و وطنه وولده, هي من يثابر و يجاهد ويعود ليجدها حضنا دافئا تخلصه من همومه, هي من ترسم البسمه علي وجهه في عز همومه, هي من تحل له مشاكله و لا تكون هي مشكلته, هي.. و هي.. و هي..
أسألكم أن تكتبوا نهايه للقصه و ان تجيبوا علي أسئله أميرنا التي تشغل عقله و تفكيره.
هل يندم علي خسارتها و يلومن نفسه؟
أم يسعي جاهدا ليحقق ملكه و سيجد مليكته منتظره في الافق؟
السبت، ديسمبر ١
يخرب بيوتكم كلكم
الله يخرب بيت
كل صديق ظلم صديقه
بقصد أو من غير قصد
و كل أم و أب ظلموا ولادهم
بقصد او من غير قصد
و كل مدرس ظلم برائه طلابه
بقصد أو من غير قصد
يخرب بيوتكم كلكم
زي ما خربتوا بيت من قبل ما يتبني
كل صديق ظلم صديقه
بقصد أو من غير قصد
و كل أم و أب ظلموا ولادهم
بقصد او من غير قصد
و كل مدرس ظلم برائه طلابه
بقصد أو من غير قصد
يخرب بيوتكم كلكم
زي ما خربتوا بيت من قبل ما يتبني
و ربنا يهدي كل من ظلم نفسه
الأربعاء، نوفمبر ٢٨
انا و البكاء
السلام عليكم
أفتكر زمان و انا صغير اني لما كنت باغلط في المدرسة أو مش باعمل الواجب كان في عقاب من الاتنين, يا اما الضرب أو ان انا أقف و أرفع ايدي في اخر الفصل...
بصراحة أنا كنت بحب العقاب التاني, لأني بحس ان انا مميز عن باقي اللي موجودين في الفصل, انا واقف و هما كلهم قاعدين مخنوقين, انا مريح دماغي و هما مركزين مع الاستاذ اللي بيشرح..
بس العقاب الاولاني كان بالنسبالي جحيم, لاني من النوع اللي مش بعرف اظهر مشاعري, سواء حزن او خوف او حتي حب
العيال اللي كانوا معايا كانوا يقعدوا يتنططوا من لسعه العصايا و يعيطوا و يترعبوا من منظر زمايلهم و هما بيتضربوا..
أما انا كنت ببقي مرعوب بس بحاول معرفش حد, كنت ببتسم ابتسامه لسه بتترسم علي وشي لحد دلوقتي لما اكون قلقان..
و كان لما يجي عليا الدور علشان اتضرب, كنت بفتح ايديا الاتنين و ابعدهم عن بعض, و كنت أغمض عيني علشان ماسحبش ايدي قبل ما العصايا تنزل, علشان محدش يقول دا خايف..
أفتكر زمان و انا صغير اني لما كنت باغلط في المدرسة أو مش باعمل الواجب كان في عقاب من الاتنين, يا اما الضرب أو ان انا أقف و أرفع ايدي في اخر الفصل...
بصراحة أنا كنت بحب العقاب التاني, لأني بحس ان انا مميز عن باقي اللي موجودين في الفصل, انا واقف و هما كلهم قاعدين مخنوقين, انا مريح دماغي و هما مركزين مع الاستاذ اللي بيشرح..
بس العقاب الاولاني كان بالنسبالي جحيم, لاني من النوع اللي مش بعرف اظهر مشاعري, سواء حزن او خوف او حتي حب
العيال اللي كانوا معايا كانوا يقعدوا يتنططوا من لسعه العصايا و يعيطوا و يترعبوا من منظر زمايلهم و هما بيتضربوا..
أما انا كنت ببقي مرعوب بس بحاول معرفش حد, كنت ببتسم ابتسامه لسه بتترسم علي وشي لحد دلوقتي لما اكون قلقان..
و كان لما يجي عليا الدور علشان اتضرب, كنت بفتح ايديا الاتنين و ابعدهم عن بعض, و كنت أغمض عيني علشان ماسحبش ايدي قبل ما العصايا تنزل, علشان محدش يقول دا خايف..
و ف مرة
كنت عملت حاجة مش فاكر هي ايه
بس المدرس حلف انه هيفضل يضربني لحد ما اعيط
و ابتدا فعلا يضربني علي ايدي اليمين ثم الشمال ثم اليمين
و هو كان متنرفز و كانت العصايا بتوجع ايدي بجد
بس برضه مكنتش عايز اعيط
علشان محدش يقول دا محمد بيعيط
المهم, فضل يضربني جامد قوي لحد ما بقي ينهج و في الاخر لما تعب خالص
قالي عيط علشان انا حلفت
ماردتش عليه
عارفين ليه ماردتش
علشان انا كنت بعيط فعلا و مش عارف اتكلم من العياط
بس انا مش باعرف اعيط بدموع و لا بصوت
مجرد احساس بالانقباض في صدري
في النهايه يعني دخلت مدرسه علي صوت الضرب
و عرفت الموضوع و قعدت تقولي عيط
و قاعدت تضحك كده ليا مش عارف ليه
المدرس قالها انا حلفت
قالته مايجراش حاجة ممكن تصوم 3 ايام
و وجهت الحوار للعيال اللي في الفصل و قالتلهم ان ربنا سمح
اننا نرجع عن قسم مع صيام 3 ايام
بس المدرس ابن اللذين مارضيش برضه
و قاللي افتح ايدك
انا اتنرفزت منه جدا
علشان هو طلع حيوان و مابيفهمش
و ده خلاني احلف اني مش هاعيط
ضربني كام مرة كمان
بصيت للمدرسه في عينيها و كنت بجد نفسي اقولها الحقيني
هيا متهيألي فهمت و راحت معيطه
و راحت واخداني في حضنها و هي بتعيط
انا وقتها بس عيط بدموع
علشان حسيت ان في شخص ما همه امري
شخص بيبكي عليا
حسيت انه هانت عليا نفسي و ما هانتش علي غيري
و انا لحد دلوقتي اكتر شيء بيحسسني اني عايز ابكي
هو اني الاقي حد بيبكي عليا
او حد يهمه امري فعلا
و علشان الحد ده مش موجود كتير
او يمكن ابدا
مش فاكر اخر مره باكيت فيها امتي
الاثنين، نوفمبر ٢٦
مش عارف
عمرك سألت نفسك
ايه أكتر حاجة ممكن توجعك؟؟
أيه أكبر هم ممكن يبعد عن عينيك النوم؟؟
أنا عايز أجاوب اجابه شخصية علي السؤال ده...
أكتر شيء بيرعب البني ادم و يجيبله الهم
هو المجهول
هو انه يكون مش عارف
مش عارف في ايه
أو مش عارف هيكون في ايه
لما يكون الجواب علي كل الاسئله هو مش عارف
اما تكون كل التوقعات مطموس معالمها
و يكون في جزء ناقص من المعادله مش عارفينه
لما يكون سؤال بسيط و صغير مش عارفله اجابه..
السؤال هو:: ايه اللي بيحصل؟؟
هو في ايه؟؟
و بالتالي بتسأل نفسك
طب أعمل ايه ؟؟
و برضوا مافيش اجابه
في الحاله ديه الواحد يتصرف ازاي؟؟
برضه مش عارف
طيب يعمل ايه؟؟
مش عارف
هل هي مسأله وقت؟؟
ولا الرساله اتبعتت بس انت مافهمتهاش؟؟
مش عارف برضه
طيب مين يعرف؟؟
هي تعرف؟؟
مش عارف
طب أنت تعرف؟؟
أكيد لأ
امال مين يعرف؟؟
مش عارف
مش عارف
مــــــــــــش عـــــــــــــــــــــااااااااارف
ايه أكتر حاجة ممكن توجعك؟؟
أيه أكبر هم ممكن يبعد عن عينيك النوم؟؟
أنا عايز أجاوب اجابه شخصية علي السؤال ده...
أكتر شيء بيرعب البني ادم و يجيبله الهم
هو المجهول
هو انه يكون مش عارف
مش عارف في ايه
أو مش عارف هيكون في ايه
لما يكون الجواب علي كل الاسئله هو مش عارف
اما تكون كل التوقعات مطموس معالمها
و يكون في جزء ناقص من المعادله مش عارفينه
لما يكون سؤال بسيط و صغير مش عارفله اجابه..
السؤال هو:: ايه اللي بيحصل؟؟
هو في ايه؟؟
و بالتالي بتسأل نفسك
طب أعمل ايه ؟؟
و برضوا مافيش اجابه
في الحاله ديه الواحد يتصرف ازاي؟؟
برضه مش عارف
طيب يعمل ايه؟؟
مش عارف
هل هي مسأله وقت؟؟
ولا الرساله اتبعتت بس انت مافهمتهاش؟؟
مش عارف برضه
طيب مين يعرف؟؟
هي تعرف؟؟
مش عارف
طب أنت تعرف؟؟
أكيد لأ
امال مين يعرف؟؟
مش عارف
مش عارف
مــــــــــــش عـــــــــــــــــــــااااااااارف
الاثنين، نوفمبر ١٢
كـلـمـة و هـاقـولهـا
كـلـمـة و هـاقـولهـا
و اسمحيلي
سيـبـيـني اكملها
و اعذريني
علشان يمكن هتوجعك
بس أكيد هترجعك
هترجعك لنفسك تاني
و تعرفي اني ابدا مش أناني
هاقولها و كل ماشوف حد هاقوله
ان كان حبيبك عسل ماتلحسوش كله
ايوة بحب سيادتك جدا
بس كفاية عليكي الكلمه
أحفظيها
و حاوطيها
هيجي اليوم و هسألك عليها
وساعتها هتقربي و هاقرب
و لما حد يسألني عمري ما هتهرب
دي حبيبتي و حته مني
مش هبعد ولا تبعد عني
صنتها زمان و هافضل اصونها
حاميتها من نفسي و بعدت عنها
دلوقتي بقينا كتاب مكتوب
صفحاته مابتتفرقش
الغلاف للصفحة مخطوب
ترقيمهم ما بيتغيرش
اما الان يا حبيبه القلب
ان قربت ركبني الذنب
اه منك يا شيطاني راقدلي
أبعد عني يا أبن الكلب
كلمه بسيطة و بس خلاص
مين بين كل بنات الكون
الحلوين الجمال
اللي جمالهم فوق الخيال
و ان قربت تنول المحال
بعدت انا عن كل أحتمال
سبتهم و اخترت ....ال
و اسمحيلي
سيـبـيـني اكملها
و اعذريني
علشان يمكن هتوجعك
بس أكيد هترجعك
هترجعك لنفسك تاني
و تعرفي اني ابدا مش أناني
هاقولها و كل ماشوف حد هاقوله
ان كان حبيبك عسل ماتلحسوش كله
ايوة بحب سيادتك جدا
بس كفاية عليكي الكلمه
أحفظيها
و حاوطيها
هيجي اليوم و هسألك عليها
وساعتها هتقربي و هاقرب
و لما حد يسألني عمري ما هتهرب
دي حبيبتي و حته مني
مش هبعد ولا تبعد عني
صنتها زمان و هافضل اصونها
حاميتها من نفسي و بعدت عنها
دلوقتي بقينا كتاب مكتوب
صفحاته مابتتفرقش
الغلاف للصفحة مخطوب
ترقيمهم ما بيتغيرش
اما الان يا حبيبه القلب
ان قربت ركبني الذنب
اه منك يا شيطاني راقدلي
أبعد عني يا أبن الكلب
كلمه بسيطة و بس خلاص
مين بين كل بنات الكون
الحلوين الجمال
اللي جمالهم فوق الخيال
و ان قربت تنول المحال
بعدت انا عن كل أحتمال
سبتهم و اخترت ....ال
السبت، نوفمبر ٣
كنت أنا
السلام عليكم
من كام يوم كنت بدعبس علي شوية حاجات قديمة عندي, لاقيت شوية الصور دول
و شدوني جدا, و قررت اعملها سكان و افكر فيها شوية..
من كام يوم كنت بدعبس علي شوية حاجات قديمة عندي, لاقيت شوية الصور دول
و شدوني جدا, و قررت اعملها سكان و افكر فيها شوية..
.gif)
يا تري وقتها كنت بفكر في ايه؟؟؟؟
ناس كثيرة بتقول اني ماتغيرتش عن زمان قوي, علي الاقل في تعبيرات الوجه
نفس الأبتسامة و نفس النظرة
يمكن نفس طريقة التفكير كمان
أنا نفسي مش حاسس أني أتغيرت
نفس الدماغ المزدحمة بالأفكار
الناس بتفتكر اني علي طول حزين و كئيب
انما أنا يمكن أكثر بني ادم بضحك
بس ضحكي لنفسي و في نفسي
ممكن ابتسامه صغيرة علي وشي
معناها أني ميت من الضحك
.gif)
هو أنا عامل كده ليه؟؟؟؟
من زمان و انا مش بحب اتصور
في طبيعتي مش بحب اظهر كثير
و بميل للعمل في الكواليس
و كان زمان لما يحبوا يصوروني كنت ابقي مش عارف أعمل ايه
يا تري اضحك, ولا ابص علي العدسة, و لا ما أرمش
المهم هما كانوا بيقولولي افتح عينيك
و اضحك
و ديه النتيجة
.gif)
وشي بيقول ايه ؟؟
الصورة ديه من أكثر الصور المعبرة
و بتوضح معاني كثير جوايا
الصورة مفيهاش غير
طفل صغير, و ناس غريبة عليه, و بحر, و نظارة
و عين مراقباه و بتبص عليه
--------------------------------------------
معلش دوشتلكوا دماغكوا بيا
بس أنا كنت عايز أتأكد من طبيعتي
هل أنا أتخلقت كده, ولا الدنيا هي اللي عملت فيا كده
و لاقيت اني أنا أتخلقت كده
و ديه طبيعتي
العيب اللي هعرفة و هتأكد منه هو اللي هغيرة
انما عمري ماهغير شيء مش عيب ولا حرام
هضحك وقت ما أعوز أضحك
و هزعل وقت ما أعوز أزعل
و هغضب علي طريقتي
و ههزر علي طريقتي
و هلعب علي طريقتي
و ده انا و مش هتغير
--------------------------------------------
الثلاثاء، أكتوبر ٣٠
انا حبيتها كده
حاولت أغير لكن معرفتش
حاولت أفكر معرفتش ليه
يمكن أخدت علي شقاوتها
أو يمكن حبيتها يا بيه
أو يمكن أخدت علي منظرها
علشان كده مش عايز أغيرها
يمكن فهمتها و فهمتني
علشان كده مريحاني
كل اما دماغي تلف
ترجعني للجد تاني
أو يمكن حبيت فيها سمارها
علشان كده مش عايز أغيرها
يمكن عشقت فيها عينيها
من بصتي عليها بالساعات
كل اما أغمض عيني
أرجع أفتكر اللي فات
أو يمكن علشان ربي ما كررها
علشان كده معرفتش أغيرها
حاولت أفكر معرفتش ليه
يمكن أخدت علي شقاوتها
أو يمكن حبيتها يا بيه
أو يمكن أخدت علي منظرها
علشان كده مش عايز أغيرها
يمكن فهمتها و فهمتني
علشان كده مريحاني
كل اما دماغي تلف
ترجعني للجد تاني
أو يمكن حبيت فيها سمارها
علشان كده مش عايز أغيرها
يمكن عشقت فيها عينيها
من بصتي عليها بالساعات
كل اما أغمض عيني
أرجع أفتكر اللي فات
أو يمكن علشان ربي ما كررها
علشان كده معرفتش أغيرها
أنا أسف ان فكرت يوم من الايام أني أغيرك أو أبدلك أو أشرك معاكي غيرك, أسف لأني نسيت في يوم اني ماكنتش عايز غيرك, و انا عارف اني ماليش اعذار, بس انا شفتك فيها و حاولت أتعود عليها بس معرفتش, الظاهر بقي مقياس الجمال عندي بيكي, بسمارك و ألوانك, بغلاستك و جنانك, باستحمالك لزننننني فوق ودانك.
عايز أقولك اني حبيتك , و مش لاقي و مش عايز ومش شايف و مش حاسس غيرك....... يا بيني و بينك
الاثنين، أكتوبر ٢٩
ليه التغيير
لما كان التغيير هو سمة الحياة, و دوام الحال من المحال, قررت أغير التصميم شوية, و احاول اعمل تغيير فيه من الغامق للفاتح, ايمانا مني بأن الزمان لا يحناج للثبات, فكل جزئيات الكون, اكبرها و اصغرها, تتحرك و تتغير.
و علشان كده, لازم دم جديد يجري في بيني و بينك, و بما أن التصاميم كتييرة و الحمد لله, و الدنيا مش هتقف علي تصميم معين, فبعون الله غيرنا التصميم, و عندي استعداد انه لو منفعش, نستعين بخبرة التصميم اللي قبله.
أصلي مش هقعد 25 سنة في التصميم القديم, لازم أغير..
و علشان كده, لازم دم جديد يجري في بيني و بينك, و بما أن التصاميم كتييرة و الحمد لله, و الدنيا مش هتقف علي تصميم معين, فبعون الله غيرنا التصميم, و عندي استعداد انه لو منفعش, نستعين بخبرة التصميم اللي قبله.
أصلي مش هقعد 25 سنة في التصميم القديم, لازم أغير..
الأربعاء، أكتوبر ٢٤
معني الحب بجد
السلام عليكم
النهاردة أنا عايز أتكلم علي الحب, بس بمنظار تاني و رؤيا تانيه, عايز أتكلم في شيء الناس مش بتفهمه صح. هخلي الموضوع في صوره تاج أنا أول واحد هجاوب عليه و همرروا للناس كلها.. و لو سمحتوا, الموضوع مش محرج ولا حاجة, كلنا حبينا و بنحب و هنفضل نحب, بلاش نعتبر الموضوع شيء عيب نتكلم فيه, و ان شاء الله التاج هيبقي سهل ومافيهوش اي سؤال محرج, و السؤال اللي ماتحبش تجاوب عليه أكتب فيه ( مسأله شخصية ) و أنا هفهم..
النهاردة أنا عايز أتكلم علي الحب, بس بمنظار تاني و رؤيا تانيه, عايز أتكلم في شيء الناس مش بتفهمه صح. هخلي الموضوع في صوره تاج أنا أول واحد هجاوب عليه و همرروا للناس كلها.. و لو سمحتوا, الموضوع مش محرج ولا حاجة, كلنا حبينا و بنحب و هنفضل نحب, بلاش نعتبر الموضوع شيء عيب نتكلم فيه, و ان شاء الله التاج هيبقي سهل ومافيهوش اي سؤال محرج, و السؤال اللي ماتحبش تجاوب عليه أكتب فيه ( مسأله شخصية ) و أنا هفهم..
___________________________
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
أصغير خيالني, و كنت بحبه علشان كان بيمثلي الشاب المحترم الناجح
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
أول مرة كنت في ثالثة ابتدائي, و كانت حاجة عيالي كده بس لذيذة لأنها كانت أول تجربة, طبعا مكانش كامل فيها المعاني الاساسية للحب بس كانت تجربة جميلة و طفوليه, كل ما أفتكرها أفتكر أغنية محمد منير بتاعت ( جيرة و عشرة ) يا ريت تسمعوها
امتي أول مرة تشوف اثنين بيحبوا بعض, و قلت هو ده الحب بجد؟
من ثلاث سنين أو حاجة كان عندي 15 سنة, كنت قاعد مع عيال اصحابي في جنينة كده, و كانت حوالي الساعة 8 بالليل, و كان فيه اثنين عواجيز ست و راجل سنهم الاثنين يتعدي الـ60 قاعدين يضحكوا و يهزروا و سمعت طراطيش كلام كده انهم بيتكلموا علي اولادهم اللي اتجوزوا و أحفادهم و مواقفهم الطريفة, و ساعتها قلت اني لو وصلت لكده مع واحدة يبقي كده أنا حبيتها بجد.
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
ثمانيه فاكرهم
و اثنين ناسيهم
كام شخص منهم كان نفسك تكمل معاه حياتك؟
كلهم
طيب و امتي عرفت مين حبيته بجد و مين لأ؟
قريب قوي
ايه مقاييس الحب الحقيقي بالنسبه ليك/ليكي؟
أولا: تتقي الله مع اللي بتحبه, يعني كل لحظة أنت معاه تكون عارف أن ربنا شايفكم
ثانيا: يكون هدفك الأساسي شريف, يعني مش مجرد وقت و بيعدي, لأ يكون الهدف بعد كده أسرة هتتكون و مسئوليات
ثالثا: تحميها حتي من نفسك, يعني تبعد عنها علي قد ما تقدر و تجاهد نفسك في كده, و قصدي البعد يعني عن اللمس
رابعا: تراعي نظرة الناس ليها و هي معاك, يعني مين هيقول ايه, يعني السمعة
خامسا: تكون مصلحتها رقم واحد بالنسبة لك
سادسا: انك تراعي ان ليها كرامة و ليها أحلام و ليها مخاوف, يعني ماتضغطش عليها في حاجة تمس دول الا لو غلط او حرام
ثامنا: ان يكون موضوعكم رسمي لاقرب درجه ممكنه, يعني أهلها يكون عندهم علم ولو بأبسط الأمور
هل الحب بيدوم علي طول؟
لأ, و لأ, و لأ, الحب كمشاعر لا تدوم للأبد, بتروح و تيجي في أمور الدنيا, لأن الدنيا مشاغل و لو الانسان سمح لمشاعرة تسيطر عليه هيكون مصيرة الفشل في حاجات كثير, انما لو بقي الشخص اللي انت بتحبه بقي شيء اساسي في حياتك, يبقي ان شاء الله العلاقة هتنجح.
و أساسي يعني فرد في عقلك, زي امك و ابوك و اخواتك و أهلك, مش شرط انك تفضل 24 ساعة بتفكر فيهم و هيمان في حبهم, انما أمرهم يهمك و حبك بيظهر في معاملتك معاهم و مواقفك تجاههم, يعني عملي.
في نظرك, يعني ايه اتنين بيحبوا بعض بس مش بجد؟
يعني مقضينها من الاخر, خروجات و ضحك و لعب و شوية منظرة, و سهتنه, و قبل ما تنامي كلميني, و قبل ما تصحي رني عليا و الكلام الفاضي ده.... ده كله مظاهر كدابه, أو حب مشاعر هينتهي في أي لحظة, لأن المشاعر زي ما قولت بتتغير.
للمتزوجين فقط؟انت لسة بتحب مراتك؟
طيب فاكر واحدة من اللي قبلها ولا خلاص؟
انا لسة مش متجوز
ايه مفهوم الغيرة عندك؟
الغيرة هي احساس طبيعي ربنا خلقة في الانسان, خلق الانسان ليغار علي أهل بيته
ايه مواصفقات البنت/الولد(للبنات) اللي انت نفسك تكمل حياتك معاها؟
متدينة بعيدة كل البعد عن التشدد و التعصب, وقورة في مواقف الجد, شقية جدا, عندها حياء حتي مني, مثقفة و ليها اهتمامات, مش نكدية, محاورة جيده, و تقدر تحل محلي في أي وقت, مدبرة, جميلة و بتاخد بالها من نفسها, صادقة جدا.
و هل لاقيت ده موجود في البنت اللي بتحبها حاليا؟
أو هل لاقيت ده موجود عامه؟
مش كل الصفات موجودة فيها, انما اكثرها و أهمها, و الباقي مع الوقت هيتوجد..ان شاء الله
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
لأ مش حرام لو بينك و بينها حدود الدين, يعني مفيش لمس ولا همس ولا الكلام الفاضي ده
صف نفسك كمحب في كلمه او جمله صغيرة
عملي
أرجو منكم الاجابه علي الاسئلة ديه, اما علي مدوناتكم او اللي معندوش مدونه يجاوب في تعليق علي الموضوع ده عندي في المدونة.
و التاج مفتوح للكل, مش شرط للي عملتلهم دعوة.
ملحوظة, أرجو من كل اللي يجاوب علي التاج عنده في المدونة, يكتبلي تعليق عندي فيه رابط التاج علي مدونته
الــتــــــــــاج
Copy and Paste
_________
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
امتي أول مرة تشوف اثنين بيحبوا بعض, و قلت هو ده الحب بجد؟
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
كام شخص منهم كان نفسك تكمل معاه حياتك؟
طيب و امتي عرفت مين حبيته بجد و مين لأ؟
ايه مقاييس الحب الحقيقي بالنسبه ليك/ليكي؟
هل الحب بيدوم علي طول؟
في نظرك, يعني ايه اتنين بيحبوا بعض بس مش بجد؟
للمتزوجين فقط؟انت لسة بتحب مراتك؟ طيب فاكر واحدة من اللي قبلها ولا خلاص؟
ايه مفهوم الغيرة عندك؟
ايه مواصفقات البنت/الولد(للبنات) اللي انت نفسك تكمل حياتك معاها؟
و هل لاقيت ده موجود في البنت اللي بتحبها حاليا؟
أو هل لاقيت ده موجود عامه؟
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
صف نفسك كمحب في كلمه او جمله صغيرة
______________________
الجمعة، أكتوبر ١٢
مزاجي
السلام عليكم
عيد سعيد علينا كلنا ان شاء الله و كل عام و أنتم بخير.
للأسف و بكل أسف أنا شكلي مش هعيد السنة دية, أولا لأن عندي دور برد صعب مش مدوخني طول النهار و مصحيني طول الليل, يعني مش عارف اتهني علي ليل أو نهار.... و ثانيا مزاجي وحش جدا و مش طايق اي حاجة من أي حد, فاتح الكمبيوتر مش عارف أعمل حاجة ولا عايز أعمل حاجة, زهق و مرض بس..
و المشكلة أني مش عارف أنزل و لا أروح أي حته علشان عيان, و في نفس الوقت قرفان من البيت و زهقان, مش عارف أعمل ايه, قولت أروح أشكي لبيني و بينك, يمكن تنفعني بنصيحة, ولا بتعليق و لا بأي حاجة
عيد سعيد علينا كلنا ان شاء الله و كل عام و أنتم بخير.
للأسف و بكل أسف أنا شكلي مش هعيد السنة دية, أولا لأن عندي دور برد صعب مش مدوخني طول النهار و مصحيني طول الليل, يعني مش عارف اتهني علي ليل أو نهار.... و ثانيا مزاجي وحش جدا و مش طايق اي حاجة من أي حد, فاتح الكمبيوتر مش عارف أعمل حاجة ولا عايز أعمل حاجة, زهق و مرض بس..
و المشكلة أني مش عارف أنزل و لا أروح أي حته علشان عيان, و في نفس الوقت قرفان من البيت و زهقان, مش عارف أعمل ايه, قولت أروح أشكي لبيني و بينك, يمكن تنفعني بنصيحة, ولا بتعليق و لا بأي حاجة
يلا سلام بقي و أدعولي بالشفاء
الأربعاء، أكتوبر ١٠
برافو يا دستور
السلام عليكم
اعجبني عدد جريدة الدستور الاخير التي لخصت فيه حياة الملك فاروق من العرش الي النعش, و أحسست انها بدأت تتغلب علي صحيفة المصري اليوم, و بدأت تقترب من قلوبنا و عقولنا أكثر, بعدما تطبعت المصري اليوم بطابع مجلات الاذاعة و التلفزيون, و ميولها للهيافة و قلة الموضوعات الجادة...
و فعلا استطاعت الدستور أن تطبع في اذهاننا صورة لملك أحببته انا و لم اره في حياتي و لم يراه من ولد قبلي بأكثر من25 عاما, ملك أحببت فيه ولائي له و اعجبت بتعظيمي له, و أعتقد أنه لو كان موجودا حتي الان لما كانت مصر علي هذه الحالة الظلماء.
و أخيرا أوجه رسالتين نصهما:
اعجبني عدد جريدة الدستور الاخير التي لخصت فيه حياة الملك فاروق من العرش الي النعش, و أحسست انها بدأت تتغلب علي صحيفة المصري اليوم, و بدأت تقترب من قلوبنا و عقولنا أكثر, بعدما تطبعت المصري اليوم بطابع مجلات الاذاعة و التلفزيون, و ميولها للهيافة و قلة الموضوعات الجادة...
و فعلا استطاعت الدستور أن تطبع في اذهاننا صورة لملك أحببته انا و لم اره في حياتي و لم يراه من ولد قبلي بأكثر من25 عاما, ملك أحببت فيه ولائي له و اعجبت بتعظيمي له, و أعتقد أنه لو كان موجودا حتي الان لما كانت مصر علي هذه الحالة الظلماء.
و أخيرا أوجه رسالتين نصهما:
شكرا للدستور
و
عودي يا المصري اليوم
الاثنين، أكتوبر ٨
بيني و بينك
السلام عليكم
النهاردة أنا عايز أحكيلكم علي بيني و بينك ( المدونة ), و اللي انا بعتبرها مش مدونه, بعتبرها أخت بفضفضلها بكل اللي في قلبي, و باحكيلها علي كل حاجة و بحبها موت, و ماخفش منها لتنقل سري لحد, لأنها أخت أمينه جدا, و انا مطمن لها و بحبها.
و يا بيني و بينك, يا أختي, مش معني أني بطلت أحكي كتير معاكي أني بعدت عنك و لا معناها أني أنشغلت عنك... كل الحكاية أن الدنيا مشاغل, و مش معني ان حاجة شغلاني عنك انها أهم منك, لأ معناها انها فيها خير ليا و ليكي.
و أوعدك أني أفضي نفسي ليكي قريب, عندي كلام كتير عايز اقولهولك, و حكاوي عاوز أحكيلك عليها, و اولها, أنا عايز أقولك مين هي..قريب ان شاء الله هتعرفي
و يا بيني و بينك, يا أختي, مش معني أني بطلت أحكي كتير معاكي أني بعدت عنك و لا معناها أني أنشغلت عنك... كل الحكاية أن الدنيا مشاغل, و مش معني ان حاجة شغلاني عنك انها أهم منك, لأ معناها انها فيها خير ليا و ليكي.
و أوعدك أني أفضي نفسي ليكي قريب, عندي كلام كتير عايز اقولهولك, و حكاوي عاوز أحكيلك عليها, و اولها, أنا عايز أقولك مين هي..قريب ان شاء الله هتعرفي
الخميس، أكتوبر ٤
حب اليتيم
السلام عليكم
تخيلوا شخص يتيم من ساعت ما أتولد,اتوجد في الدنيا من غير أب و أم, و فضل طول عمرة يحلم انه يكون عنده أب و أم, و كان بيحسد اي طفل عنده أب و أم, و لمدة 17 سنة بيدور علي أهلة...
تخيلوا بقي لما يلاقي ابوة و امه, او يلاقي اشخاص تعوضهم, احساسة هيكون عامل ازاي ؟؟... هيتعلق بيهم جدا و مش هيفارقهم لحظة واحدة, و يتمني لو ابوة او امه يطلبوا منه أي طلب عشان يجري ينفذة, و طبعا يدافع عن ابوة و امه بكل ما لدية من قوة, و مش هيبقي منه همه وقتها انه كبير ولا صغير, هيحس طول الوقت و هو جنب اهله, ان هو عيل صغير, يدلع و يطلع العيل اللي جواة..
و ده مش حال اليتيم بس, ده حال كل واحد كان محروم من شخص, و حاسس ان لعدم وجود هذا الشخص أثر كبير في حياته, وفي سنة أو أقل, أحس انه لاقي الشخص ده, أو شخص بيعوضة عن الشخص ده...
أكيد هيبقي سعيد جدا بيه
تخيلوا بقي لما يلاقي ابوة و امه, او يلاقي اشخاص تعوضهم, احساسة هيكون عامل ازاي ؟؟... هيتعلق بيهم جدا و مش هيفارقهم لحظة واحدة, و يتمني لو ابوة او امه يطلبوا منه أي طلب عشان يجري ينفذة, و طبعا يدافع عن ابوة و امه بكل ما لدية من قوة, و مش هيبقي منه همه وقتها انه كبير ولا صغير, هيحس طول الوقت و هو جنب اهله, ان هو عيل صغير, يدلع و يطلع العيل اللي جواة..
و ده مش حال اليتيم بس, ده حال كل واحد كان محروم من شخص, و حاسس ان لعدم وجود هذا الشخص أثر كبير في حياته, وفي سنة أو أقل, أحس انه لاقي الشخص ده, أو شخص بيعوضة عن الشخص ده...
أكيد هيبقي سعيد جدا بيه
و نفسة يعمله اي حاجة
نفسة يخليه أحسن واحد
و نفسة الشخص ده يفضل يحبه, زي ما هو بيحبه
و أنا طول عمري كان نفسي في أخت
و أنا طول عمري كان نفسي في أخت
الأربعاء، أكتوبر ٣
هجاوب هجاوب
السلام عليكم
انا جاني تاج من غالية (مدونة بكرة أيد أحلي ), و الواضح ان أنا هجاوب هجاوب
لو قالولك اختار عصر من عصور مصر علشان تعيش فيه تختار اى عصر و فى عهد اى حاكم..واشمعنى.؟
هختار أعيش في فترة حكم الملك فاروق, و كنت هحاول أقنعه انه مايسلمش البلد يوم 23 يوليو و كنت هكون مستعد اني اضحي بنفسي لو كان ده هيخليه علي عرشة, و ده لأني مقتنع بليون في الميه أن يوم 23 يوليو هو أسولأ يوم في التاريخ المصري كله...صحيح اني ماعشتش الايام ديه الا اني بنيت موقفي من قرائاتي,و انا كان نفسي البلد تفضل تحت حكم ملك ثم ملك ثم ملك
اول اولويه فى حياتك عيلتك , شغلك ولا اصحابك؟
لحد دلوقتي شغلي, بس لما أتجوز هيبقي أكيد عيلتي..
أما أصحابي فماقدرش أعيش من غيرهم خصوصا ناس معينين
ايه اكتر حاجه بتحبها فى رمضان؟
كنت زمان بحب في رمضان اللمة و تجمع العيلة, بس دلوقتي خلاص, مباقتش احب في رمضان غير ساعة الافطار و الامساك.
اوصف ليا اجمل فطار ممكن تفطره
في بيتي مع مراتي و أولادي, لما أتجوز يعني
لو انت حاكم على مجموعه من الافراد هتكون عادل؟؟
طب هتعمل ايه عشان تتأكد انك حاكم عادل؟
هكون عادل اني ماظلمش حد فيهم لحساب حد, و هتأكد من كده عن طريق اني اسمع من الاطراف كلها, و استشير الناس و اسأل ربي الصواب و اتوكل علية, و بكده هكون متأكد, و أكيد في مقاييس تانية, بس هو ده اللي في دماغي دلوقتي...
اللى بيبوظ الحكام نفسهم ولا الشعب؟
ولا الحاشية المقربة؟
اللي بيبوظ الحاكم نفسه, لأنه لو حاكم كويس و عندة شخصية محدش هيأثر فيه..
مين أكتر اعلامي مصري بتحترمه؟
محمود سعد
قريت ديوان عمر مصطفى صاحب بلوج تجربه(اسباب وجيهه للفرح) عن دار ملامح ولا لسه
ولو آه ايه رأيك فيه؟؟
لا, انا بحب الشعر العامي و الخفيف
ايه تانى بلد تتمنى تعيش في بعد مصر؟
وانا مصري, ماحبش أعيش غير في مصر, لو انا اي جنسية تانيه, اتمني أعيش في الامارات عشان هيجي يوم من الايام و تبقي درة العرب
اوصف ليا ترتيبات اجمل فرح ممكن تحضره
ولا حاجة, يكون كل حبايبي موجودين
بتراعي كلام الناس والقيل والقال؟
لو اه او لو لا قول لى ليه؟
لا خالص, ولا باحط في دماغي الكلام ده, لو عليا مبسألش...انما لو علي بنت, مبستحملش
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
هرجع أنام تاني
السعاده هي ؟
اني اشوف الناس اللي بحبها سعيدة
عندك أمل؟؟
أسبابك؟
ايوة عندي, عشان في ظروفي ديه لو ماكنش عندي هموت
لما تحب تهرب من كل شئ بتروح فين؟
انا مابهربش من اي حاجة, بس ساعات بطنش حاجات انا شايفها مش ضرورية
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
يوم ما باقيت مسئول ولو بنسبه 10% عن شخص
لما بتعمل عمل خيرى بيكون ايه هو دافعك الاول؟
بصراحة, اني اشوف اللي قصادي سعيد, و ساعتها بكون مطمن من رضا ربي
بتشرب سجاير؟
لو الاجابه اه ايه شعورك لو شفت ست بتشرب سجاير؟
وليه؟
كنت و بطلت, و لو شفت بنت انا اعرفها بتشرب هبهدلها عشان مفيش ملائكة بتشرب سجاير
بتعرف ايدك اليمين من الشمال ازاي؟
هي بتيجي كده
ايه اكتر اله موسيقيه بتحبها؟
العود و الناي
ايه الحاجه اللى لو حصلتلك تبقى سعيد قوى؟؟؟
يبقي عندي بنت
تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟
فلوس في البنك, لأني ماليش في ولا حاجة من دول
البحر و لا النيل؟؟؟
البحر طبعا, لأن موج البحر هو كلامه, بيشد و يفرد معاك, انما النيل صامت, بس بحبه برضه
مركب و لا طياره؟؟
مركب
مجنون و لا عاقل؟؟
أنا عاقل بس ساعات بميل للجنون
تقرى كتاب و لا تتفرج عليه فيلم؟
أتفرج عليه فيلم عشان أحس بيه
بتمرر التاج لمين؟؟؟
للي يدخل و يقرأه
انا جاني تاج من غالية (مدونة بكرة أيد أحلي ), و الواضح ان أنا هجاوب هجاوب
لو قالولك اختار عصر من عصور مصر علشان تعيش فيه تختار اى عصر و فى عهد اى حاكم..واشمعنى.؟
هختار أعيش في فترة حكم الملك فاروق, و كنت هحاول أقنعه انه مايسلمش البلد يوم 23 يوليو و كنت هكون مستعد اني اضحي بنفسي لو كان ده هيخليه علي عرشة, و ده لأني مقتنع بليون في الميه أن يوم 23 يوليو هو أسولأ يوم في التاريخ المصري كله...صحيح اني ماعشتش الايام ديه الا اني بنيت موقفي من قرائاتي,و انا كان نفسي البلد تفضل تحت حكم ملك ثم ملك ثم ملك
اول اولويه فى حياتك عيلتك , شغلك ولا اصحابك؟
لحد دلوقتي شغلي, بس لما أتجوز هيبقي أكيد عيلتي..
أما أصحابي فماقدرش أعيش من غيرهم خصوصا ناس معينين
ايه اكتر حاجه بتحبها فى رمضان؟
كنت زمان بحب في رمضان اللمة و تجمع العيلة, بس دلوقتي خلاص, مباقتش احب في رمضان غير ساعة الافطار و الامساك.
اوصف ليا اجمل فطار ممكن تفطره
في بيتي مع مراتي و أولادي, لما أتجوز يعني
لو انت حاكم على مجموعه من الافراد هتكون عادل؟؟
طب هتعمل ايه عشان تتأكد انك حاكم عادل؟
هكون عادل اني ماظلمش حد فيهم لحساب حد, و هتأكد من كده عن طريق اني اسمع من الاطراف كلها, و استشير الناس و اسأل ربي الصواب و اتوكل علية, و بكده هكون متأكد, و أكيد في مقاييس تانية, بس هو ده اللي في دماغي دلوقتي...
اللى بيبوظ الحكام نفسهم ولا الشعب؟
ولا الحاشية المقربة؟
اللي بيبوظ الحاكم نفسه, لأنه لو حاكم كويس و عندة شخصية محدش هيأثر فيه..
مين أكتر اعلامي مصري بتحترمه؟
محمود سعد
قريت ديوان عمر مصطفى صاحب بلوج تجربه(اسباب وجيهه للفرح) عن دار ملامح ولا لسه
ولو آه ايه رأيك فيه؟؟
لا, انا بحب الشعر العامي و الخفيف
ايه تانى بلد تتمنى تعيش في بعد مصر؟
وانا مصري, ماحبش أعيش غير في مصر, لو انا اي جنسية تانيه, اتمني أعيش في الامارات عشان هيجي يوم من الايام و تبقي درة العرب
اوصف ليا ترتيبات اجمل فرح ممكن تحضره
ولا حاجة, يكون كل حبايبي موجودين
بتراعي كلام الناس والقيل والقال؟
لو اه او لو لا قول لى ليه؟
لا خالص, ولا باحط في دماغي الكلام ده, لو عليا مبسألش...انما لو علي بنت, مبستحملش
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
هرجع أنام تاني
السعاده هي ؟
اني اشوف الناس اللي بحبها سعيدة
عندك أمل؟؟
أسبابك؟
ايوة عندي, عشان في ظروفي ديه لو ماكنش عندي هموت
لما تحب تهرب من كل شئ بتروح فين؟
انا مابهربش من اي حاجة, بس ساعات بطنش حاجات انا شايفها مش ضرورية
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
يوم ما باقيت مسئول ولو بنسبه 10% عن شخص
لما بتعمل عمل خيرى بيكون ايه هو دافعك الاول؟
بصراحة, اني اشوف اللي قصادي سعيد, و ساعتها بكون مطمن من رضا ربي
بتشرب سجاير؟
لو الاجابه اه ايه شعورك لو شفت ست بتشرب سجاير؟
وليه؟
كنت و بطلت, و لو شفت بنت انا اعرفها بتشرب هبهدلها عشان مفيش ملائكة بتشرب سجاير
بتعرف ايدك اليمين من الشمال ازاي؟
هي بتيجي كده
ايه اكتر اله موسيقيه بتحبها؟
العود و الناي
ايه الحاجه اللى لو حصلتلك تبقى سعيد قوى؟؟؟
يبقي عندي بنت
تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟
فلوس في البنك, لأني ماليش في ولا حاجة من دول
البحر و لا النيل؟؟؟
البحر طبعا, لأن موج البحر هو كلامه, بيشد و يفرد معاك, انما النيل صامت, بس بحبه برضه
مركب و لا طياره؟؟
مركب
مجنون و لا عاقل؟؟
أنا عاقل بس ساعات بميل للجنون
تقرى كتاب و لا تتفرج عليه فيلم؟
أتفرج عليه فيلم عشان أحس بيه
بتمرر التاج لمين؟؟؟
للي يدخل و يقرأه
الجمعة، سبتمبر ٢٨
ماسكة أطراف الفساتين
السلام عليكم
تخيلوا بنت صغيرة فتحت عينيها علي ظهور الناس, ومأخدتش من وشوشهم غير نظرات خاطفه بين كل حين و مين, أتوجدت في اختلاف و اختلفوا في وجودها..
عاشت في حيرة و احتارت تعيش فين, في عينيها حاجات كتيرة بس هتحققها مع مين, مع ظهور؟؟ جبلات مبيحسوش, مبيشوفوش عروسة صغيرة تايهة يرشدوها, لا بيتوهوها و يخربوها..
كبرت محتارة و الحيرة نار, مش عارفة اغلب الصح و فاكراة غلط, و مش عارفة أغلب الغلط وفاكراه صح...تاييييهة
بس هي مش هتفضل طول عمرها عايشة قصاد ظهور, لازم تشوف الوشوش, فمكنش قدامها غير انها تمسك اطراف الفساتين, و تمشي ورا كل وش يبصلها, تتعلق بيه زي الغرقانه, و تخاف تسيب الفستان لا الوش يتدور...
و الفساتين لأنواع:
فستان لونه جميل و شكله يسر الناظرين, بس في نفسه مصنوع بالشوك, صعب يتلبس, و صعب يتمسك
و فستان ابيض مافيهوش شوائب, بس ضيق يخنق علي اللي لابسه, و صعب يتمسك
و فستان طويل, سهل تمسكه, بس هفضل طول عمرك رافعه, علشان ميطولش الأرض
يا تري مين اللي هيخلي ليها فستان بتاعها, الناس تبص لجماله و تبص ليها,و الوشوش تلف حواليها..... ؟ ؟
تخيلوا بنت صغيرة فتحت عينيها علي ظهور الناس, ومأخدتش من وشوشهم غير نظرات خاطفه بين كل حين و مين, أتوجدت في اختلاف و اختلفوا في وجودها..
عاشت في حيرة و احتارت تعيش فين, في عينيها حاجات كتيرة بس هتحققها مع مين, مع ظهور؟؟ جبلات مبيحسوش, مبيشوفوش عروسة صغيرة تايهة يرشدوها, لا بيتوهوها و يخربوها..
كبرت محتارة و الحيرة نار, مش عارفة اغلب الصح و فاكراة غلط, و مش عارفة أغلب الغلط وفاكراه صح...تاييييهة
بس هي مش هتفضل طول عمرها عايشة قصاد ظهور, لازم تشوف الوشوش, فمكنش قدامها غير انها تمسك اطراف الفساتين, و تمشي ورا كل وش يبصلها, تتعلق بيه زي الغرقانه, و تخاف تسيب الفستان لا الوش يتدور...
و الفساتين لأنواع:
فستان لونه جميل و شكله يسر الناظرين, بس في نفسه مصنوع بالشوك, صعب يتلبس, و صعب يتمسك
و فستان ابيض مافيهوش شوائب, بس ضيق يخنق علي اللي لابسه, و صعب يتمسك
و فستان طويل, سهل تمسكه, بس هفضل طول عمرك رافعه, علشان ميطولش الأرض
يا تري مين اللي هيخلي ليها فستان بتاعها, الناس تبص لجماله و تبص ليها,و الوشوش تلف حواليها..... ؟ ؟
الموضوع لغز, اللي يفهمه هو اللي يقدر يجيبلها الفستان....
السبت، سبتمبر ٢٢
ترتيب أوراق
السلام عليكم
أعتقد انه حان الوقت لترتيب أوراقي علي ترابيزة واحده, و النظر ليهم بتفكير عميق عشان أعرف اللي ليا و اللي عليا, و عشان ما أخسرش حاجة, لان سوء تنظيم الوقت خسرني حاجات كتير جدا . . .
أولا: اللي عليا
الدراسة في الكلية: ( سنه أولي تجارة), و لسه ماروحتش الكلية ولا عرفت الجداول ولا حتي أخدت الكارنيه
كورس أوراكل: الاحد و الثلاثاء و الخميس, ثلاث ساعات كل يوم من 8 الي 11 و لسه مافتحتش كتاب فيها
المجله: لازم اظبطها و اوقفها علي رجليها عشان استريح بعدين
تصميم موقع مطلوب مني: بقاله شهر ماخلصش, و لسه ما حطيتش ايدي فيه
أنا بقي: عايز اروح جيم عشان حاسس اني لزقت في الارض و لما بطلع السلم بنهج, مع اني ممكن استخبي ورا عمود نور
ثانيا: اللي ليا
لا كتير قوي, مش عارف اقول ايه ولا ايه, بس عايز اعوض السنتين بتوع الثانوية العامه اللي خسرت فيهم كتيير من وقتي عالفاضي
أعتقد انه حان الوقت لترتيب أوراقي علي ترابيزة واحده, و النظر ليهم بتفكير عميق عشان أعرف اللي ليا و اللي عليا, و عشان ما أخسرش حاجة, لان سوء تنظيم الوقت خسرني حاجات كتير جدا . . .
أولا: اللي عليا
الدراسة في الكلية: ( سنه أولي تجارة), و لسه ماروحتش الكلية ولا عرفت الجداول ولا حتي أخدت الكارنيه
كورس أوراكل: الاحد و الثلاثاء و الخميس, ثلاث ساعات كل يوم من 8 الي 11 و لسه مافتحتش كتاب فيها
المجله: لازم اظبطها و اوقفها علي رجليها عشان استريح بعدين
تصميم موقع مطلوب مني: بقاله شهر ماخلصش, و لسه ما حطيتش ايدي فيه
أنا بقي: عايز اروح جيم عشان حاسس اني لزقت في الارض و لما بطلع السلم بنهج, مع اني ممكن استخبي ورا عمود نور
ثانيا: اللي ليا
لا كتير قوي, مش عارف اقول ايه ولا ايه, بس عايز اعوض السنتين بتوع الثانوية العامه اللي خسرت فيهم كتيير من وقتي عالفاضي
يا ريت بس أعرف اعمل اللي عليا, عشان حاسس انه كتيرالموضوع محتاج تركيز
ما علينا, دوشتلكوا دماغكوا معلش, اعمل ايه بس
ماهو لو كان عندي اخت بنت !!!!
الأحد، سبتمبر ١٦
أول خناقه ليا من 3 سنين
السلام عليكم
بجد والله, خسارة علي الرجالة, خسارة علي النخوة و الرجوله اللي اتبخرت من عالمنا, خسارة علي الاحساس بالناس و ألف ألف خسارة علي الاخلاق و الدين, و الله العظيم ودي ابكي, و بكائي ده حزن علي الدنيا اللي احنا عايشين فيها, تعمل خير و تراعي الناس, و يتعمل فيك سر و ماحدش يراعيك
بجد والله, خسارة علي الرجالة, خسارة علي النخوة و الرجوله اللي اتبخرت من عالمنا, خسارة علي الاحساس بالناس و ألف ألف خسارة علي الاخلاق و الدين, و الله العظيم ودي ابكي, و بكائي ده حزن علي الدنيا اللي احنا عايشين فيها, تعمل خير و تراعي الناس, و يتعمل فيك سر و ماحدش يراعيك
يا جماعه انا كل اللي بطلبه ان الناس تتعامل معايا زي ما أنا بتعامل معاهم, و الله مش عايز غير كده
النهاردة, اتخنقت أول خناقه من حوالي 3 سنين,و انا من الواضح اني مش ميال ابدا للخناق, مع ان اقشم بالله, بيبقي فيه أوقات لو مسكت مع حد هموته, بس بمسك نفسي, و أقسم بالله العظيم مش خوف, بس ممكن تسميه عقل او هبل, سميه زي ما تسميه
الواد العبيط العيل, مابيعرفش يتعامل مع رجاله شكله, بكلمه اظاهر خاف يرد عليا فبيرد علي حد اصغر مننا احنا الاتنين و بيستقوا عليه, لأ بقي ياخد علي دماغ اهله, بس والله ما رفعت ايدي عليه, هو قعد يهوش بس كده زي البنات, و يقول كلام أهبل
النهاردة, اتخنقت أول خناقه من حوالي 3 سنين,و انا من الواضح اني مش ميال ابدا للخناق, مع ان اقشم بالله, بيبقي فيه أوقات لو مسكت مع حد هموته, بس بمسك نفسي, و أقسم بالله العظيم مش خوف, بس ممكن تسميه عقل او هبل, سميه زي ما تسميه
الواد العبيط العيل, مابيعرفش يتعامل مع رجاله شكله, بكلمه اظاهر خاف يرد عليا فبيرد علي حد اصغر مننا احنا الاتنين و بيستقوا عليه, لأ بقي ياخد علي دماغ اهله, بس والله ما رفعت ايدي عليه, هو قعد يهوش بس كده زي البنات, و يقول كلام أهبل
أنت ماتعرفش انا مين
انا مافيش حد يقدر يكلمني
دانا دانا دانا دانا ......... هبل و رغي ستات
رديت قلت كلمتين بس, انا مش هرفع ايدي عليك, و لما تعرف تكلم رجاله ابقي كلمني
و لحسن الحظ ان الناس حاشوا بيننا, لانه لو كان رفع ايده عليا كنت ضربته و ماكنتش عرفت امسك نفسي, بس انا مسكت نفسي عشان حاجتين
أولا لأنه اصغر مني و ماينفعش اصغر نفسي ليه
و ثانيا عشان ما اعملش مشكله لشخص مالوش أي ذنب غير انه بيتكسف و بيستحي
دانا دانا دانا دانا ......... هبل و رغي ستات
رديت قلت كلمتين بس, انا مش هرفع ايدي عليك, و لما تعرف تكلم رجاله ابقي كلمني
و لحسن الحظ ان الناس حاشوا بيننا, لانه لو كان رفع ايده عليا كنت ضربته و ماكنتش عرفت امسك نفسي, بس انا مسكت نفسي عشان حاجتين
أولا لأنه اصغر مني و ماينفعش اصغر نفسي ليه
و ثانيا عشان ما اعملش مشكله لشخص مالوش أي ذنب غير انه بيتكسف و بيستحي
معلش انتوا مش عارفين أي تفاصيل, بس يكفي اقولكم, ان الرجوله بجد بتختفي, و الناس اللي تقابلها, يا اما رجاله قوي هتحبها و عمرك ما هتحاول تخسرها,و يا اما عيال قوي و دول يا اما هتساعدهم أو هتكرهم
اللهم اني اسألك ان تهدني الي الصواب و الحق
و ان تهدني الي ما تحبه و ترضاة
و ان تغفر لي سيئات اعمالي
الأحد، سبتمبر ٩
العقول ما بعد منتصف الليل
الساعة الثالثة بعد منتصف الليل, اغلقت المحلات أبوابها, و سكن الناس بيوتهم, و انتشرت الكلاب و القطط في الشوارع, و أغلقت الأرض عيونها علي يوم مضي, و يبدوا لك أن اليوم انتهي.
لكن في الحقيقة, أن ليلنا هو نهار و سكوننا حركة, و نومنا هو يقظة لهؤلاء الذين يطلقون علي انفسهم , ( عفاريت الليل), و ما أدراك من هم
عفاريت الليل.
عفاريت الليل,شباب ختموا عقولهم بختم الالغاء, و طبعوا علي وجوههم بسمه زائفه, يحسبهم الجاهل سعداء, و لكنهم في الحقيقة هم التعساء, فهؤلاء حرمهم الشيطان من نعمه اعطاها الله لنا, و هي نعمة العقل, فاصبحوا بلا عقل و بلا هدف و بلا ذاكرة و بلا حياة وبلا مستقبل, و خرجوا من عالمنا الذي نعيش فيه و دخلوا عالم الليل.
كان لي تجربة شخصية بينهم, أود أن أحكيها, ليس لأظهر الصورة الحقيقية لهذا العالم, و لكن لاوضح لهؤلاء اصحاب النظارات و الأقلام و الكتب, هؤلاء من لا يعلمون عن عالمنا سوي انه صفحة في كتاب اطلعوا عليه و حفظوة, هؤلاء الذين يظنون أن الحياة حلوة, و ان ( الدنيا لسة بخير ),أريد أن أوضح لهم أنهم لايعلمون و لا يفهمون, و انهم بحاجة اما لخبرة شخصية و تجربة يخوضونها, او أن يستعينوا بمن حولهم ليستمروا في الحياة .. .. ..
للسهرة في شارعنا أصول, كافيتيريا و شيشة و ضحك و طاولة, و لكن بعدما تدق ال ثالثة, يدخل شيء جديد في اصول السهرة, و هو الحشيش الذي يأكل العقول و يجعل من العاقل مجنون, و عندها يبدأ الليل الحقيقي, ليل المصائب
و يزحف جيش ال اللصوص علي شارعنا, فتجد جميع أنواع السوابق تمر من امامك مر الكرام احيانا, و احيانا تفرض نفسها عليك من دون اذن, فتجد نفسك جالس معهم, مستمع لاحاديثهم و بطولاتهم علي حد قولهم.
رأيت ما رأيت من جرائم, سمعت ما سمعت, من قصص, جرائم اغتصاب, و سرقة, و تعاطي, و اتجار, و مشاجرات,و ليس من الغريب ان تجد نفسك تفكر معهم و تتناقش في حلول لمصائبهم, و ايضا من السهل ان تجد انهم وكلوك بمهمات شيطانية و تجد نفسك توافق و انت مستغرب من تصرفك,و لكنك لن تجد وسيلة لتمنع نفسك من الموافقة, فما يطلبه منك يشبه الامر . . .
و الغريب ايضا انك تفكر اكثر من مرة في الاقلاع عما تفعلة من جلسات مع الشياطين, و لكنه يتحول معك الي ادمان, ادمان سماع هذه القصص الغريبة و العجيبة التي لا تراها حتي في الافلام, و لكن ما تسمعه و تراه يجلب لك قلقا كبيرا يعيش معاك ليل نهار, و هو قلق علي كل من تحبهم, و كل من تهتم لامرهم, فتجد نفسك مريض, تشعر طوال الوقت ان هذا او هذه سيحدث معهما كما سمعت. . .
و لكن في الوقت نفسه, تكون قد تعلمت امرا مهما, هو ان في كل منا خير و شر, فهذا المجرم, اجد عنده شهامة عظيمة و انتماء كيف لا نستغلها في خدمة الخير,و كيف لا نراها من بين كل ما عنده من شر.
كنت أود أن أحكي بعض القصص عن هذة الحياة الغريبة, و لكن سأجعلها في المرة القادمه ان شاء الله .
لكن في الحقيقة, أن ليلنا هو نهار و سكوننا حركة, و نومنا هو يقظة لهؤلاء الذين يطلقون علي انفسهم , ( عفاريت الليل), و ما أدراك من هم
عفاريت الليل.
عفاريت الليل,شباب ختموا عقولهم بختم الالغاء, و طبعوا علي وجوههم بسمه زائفه, يحسبهم الجاهل سعداء, و لكنهم في الحقيقة هم التعساء, فهؤلاء حرمهم الشيطان من نعمه اعطاها الله لنا, و هي نعمة العقل, فاصبحوا بلا عقل و بلا هدف و بلا ذاكرة و بلا حياة وبلا مستقبل, و خرجوا من عالمنا الذي نعيش فيه و دخلوا عالم الليل.
كان لي تجربة شخصية بينهم, أود أن أحكيها, ليس لأظهر الصورة الحقيقية لهذا العالم, و لكن لاوضح لهؤلاء اصحاب النظارات و الأقلام و الكتب, هؤلاء من لا يعلمون عن عالمنا سوي انه صفحة في كتاب اطلعوا عليه و حفظوة, هؤلاء الذين يظنون أن الحياة حلوة, و ان ( الدنيا لسة بخير ),أريد أن أوضح لهم أنهم لايعلمون و لا يفهمون, و انهم بحاجة اما لخبرة شخصية و تجربة يخوضونها, او أن يستعينوا بمن حولهم ليستمروا في الحياة .. .. ..
للسهرة في شارعنا أصول, كافيتيريا و شيشة و ضحك و طاولة, و لكن بعدما تدق ال ثالثة, يدخل شيء جديد في اصول السهرة, و هو الحشيش الذي يأكل العقول و يجعل من العاقل مجنون, و عندها يبدأ الليل الحقيقي, ليل المصائب
و يزحف جيش ال اللصوص علي شارعنا, فتجد جميع أنواع السوابق تمر من امامك مر الكرام احيانا, و احيانا تفرض نفسها عليك من دون اذن, فتجد نفسك جالس معهم, مستمع لاحاديثهم و بطولاتهم علي حد قولهم.
رأيت ما رأيت من جرائم, سمعت ما سمعت, من قصص, جرائم اغتصاب, و سرقة, و تعاطي, و اتجار, و مشاجرات,و ليس من الغريب ان تجد نفسك تفكر معهم و تتناقش في حلول لمصائبهم, و ايضا من السهل ان تجد انهم وكلوك بمهمات شيطانية و تجد نفسك توافق و انت مستغرب من تصرفك,و لكنك لن تجد وسيلة لتمنع نفسك من الموافقة, فما يطلبه منك يشبه الامر . . .
و الغريب ايضا انك تفكر اكثر من مرة في الاقلاع عما تفعلة من جلسات مع الشياطين, و لكنه يتحول معك الي ادمان, ادمان سماع هذه القصص الغريبة و العجيبة التي لا تراها حتي في الافلام, و لكن ما تسمعه و تراه يجلب لك قلقا كبيرا يعيش معاك ليل نهار, و هو قلق علي كل من تحبهم, و كل من تهتم لامرهم, فتجد نفسك مريض, تشعر طوال الوقت ان هذا او هذه سيحدث معهما كما سمعت. . .
و لكن في الوقت نفسه, تكون قد تعلمت امرا مهما, هو ان في كل منا خير و شر, فهذا المجرم, اجد عنده شهامة عظيمة و انتماء كيف لا نستغلها في خدمة الخير,و كيف لا نراها من بين كل ما عنده من شر.
كنت أود أن أحكي بعض القصص عن هذة الحياة الغريبة, و لكن سأجعلها في المرة القادمه ان شاء الله .
السبت، سبتمبر ٨
واحد من الناس
في موقع جريدة المصري اليوم, قرأت هذا النبأ: العثور علي أيمن إسماعيل «المسجون» في قضية أيمن نور مشنوقاً داخل زنزانته
عثرت إدارة سجن استئناف القاهرة صباح أمس، علي جثة أيمن إسماعيل، المتهم في قضية تزوير توكيلات حزب الغد، معلقة علي باب زنزانته. قالت مصادر ـ رفضت ذكر اسمها ـ إن الضحية كان يقضي مدة العقوبة «٥ سنوات» بتهمة الاشتراك في جمع التوكيلات المزورة لحزب الغد بصحبة ٣ مسجونين، استيقظوا من نومهم صباح أمس، وجدوه مشنوقا من ملابسه في باب الزنزانة.
و عندما انتهيت من قراءة الخبر تذكرت فيلم واحد من الناس بتاع كريم عبد العزيز و منة شلبي و حبيبي محمد شومان, و افتكرت ال 3 شخصيات اللي اتشنقوا في الزنزانة خوفا من انهم يتكلموا
يا تري في فعلا رابط, ولا انا بهييس ؟؟؟؟؟
عثرت إدارة سجن استئناف القاهرة صباح أمس، علي جثة أيمن إسماعيل، المتهم في قضية تزوير توكيلات حزب الغد، معلقة علي باب زنزانته. قالت مصادر ـ رفضت ذكر اسمها ـ إن الضحية كان يقضي مدة العقوبة «٥ سنوات» بتهمة الاشتراك في جمع التوكيلات المزورة لحزب الغد بصحبة ٣ مسجونين، استيقظوا من نومهم صباح أمس، وجدوه مشنوقا من ملابسه في باب الزنزانة.
و عندما انتهيت من قراءة الخبر تذكرت فيلم واحد من الناس بتاع كريم عبد العزيز و منة شلبي و حبيبي محمد شومان, و افتكرت ال 3 شخصيات اللي اتشنقوا في الزنزانة خوفا من انهم يتكلموا
يا تري في فعلا رابط, ولا انا بهييس ؟؟؟؟؟
عذاب الضمير
من ساعت ما كنت صغير و انا في دماغي ان انا 3 اشخاص في بعض
أنا: و ده اللي هو الجسد و الرغبة و الرفضو الاحساس
النفس: تطلب فوق الحاجة دايما, و هي اللي بتطلب المعاصي
العقل: و هو اللي بيدلني و يوازن بين مطالبي و رغباتي, و بين اللي ليا و اللي عليا
أما بقي الحكم و القاضي بعد ربنا سبحانه و تعالي, هو الضمير, و ده اللي بيحاكمني اذا اذنبت و بيهاديني اذا اصبت
فاحساسي بالرضا في اي وقت بيكون نابع من رضا ربنا عني و بالتالي رضا ضميري عني, و احساسي بالسخط أو بالحزن, اكيد بيكون نابع من سخط ربنا عليا و بالتالي سخط ضميري عليا . .
أنا: و ده اللي هو الجسد و الرغبة و الرفضو الاحساس
النفس: تطلب فوق الحاجة دايما, و هي اللي بتطلب المعاصي
العقل: و هو اللي بيدلني و يوازن بين مطالبي و رغباتي, و بين اللي ليا و اللي عليا
أما بقي الحكم و القاضي بعد ربنا سبحانه و تعالي, هو الضمير, و ده اللي بيحاكمني اذا اذنبت و بيهاديني اذا اصبت
فاحساسي بالرضا في اي وقت بيكون نابع من رضا ربنا عني و بالتالي رضا ضميري عني, و احساسي بالسخط أو بالحزن, اكيد بيكون نابع من سخط ربنا عليا و بالتالي سخط ضميري عليا . .
و عذاب الضمير بيكون انواع, اما بالتأنيب و الندم علي الفعل, او بالاحساس بالزهد في الحياة و انتظار الموت, أو بيكون بالاحساس بالاحباط و الفشل, و دية ادوات الضمير للتعذيب, بيستعملها اذا رجحت كفه النفس عن العقل, و مشيت ورا رغباتي, و عمر الضمير ما بيظلم, لانه امر بيد الله العادل. .
الأحد، سبتمبر ٢
أول مرة أخش جامعة
السلام عليكم
النهاردة عملت حاجة جديدة في حياتي, رحت أقدم ورقي في الجامعة ( جامعة حلوان ) (كلية تجارة ) و قلنا ماشي
رحت طبعا تايه مش عارف اعمل ايه ولا اروح فين, و الناس كلها تايهة زي, وكل شوية اتعرف علي واحد و نتوه من بعض في طابور و ماشفش وشة تاني
و كل حاجة لازملها طابور
رحت طبعا تايه مش عارف اعمل ايه ولا اروح فين, و الناس كلها تايهة زي, وكل شوية اتعرف علي واحد و نتوه من بعض في طابور و ماشفش وشة تاني
و كل حاجة لازملها طابور
طابور عشان أخد ورقة الكشف الطبي
و طابور عشان أكشف نظر
و طابور عشان أكشف أسنان
و طابور عشان اودي ورق الكشف
و طابور عشان اطلع اذن دفع
و طابور عشان أدفع
و طابور تاني عشان استلم الوصل
و طابور عشان اسلم الوصل و اخد ايصال بالدفع
و لسة كمان طابور أول يوم في الدراسة عشان أستلم الكارنية
فعلا الطابور مشهد حضاري, بس مش في مصر
كل الحوار ده اساسا مش محتاج 5 دقايق في شباك واحد تقف طابور محترم لو كل الموظفين بيشتغلوا بزمة, و تقف في شباك واحد تخلص الحاجات ديه كلها, و تعمل الكشف و السلام عليكم
ما علينا, المهم حظي النهاردة و أنا رايح الصبح كلي أمل
أن النهلردة يوم امتحان الملاحق
فا شوفت افشل طلبة موجودين, فيه واحد مبلط بقاله عشر سنين مسك وداني خلاني اكره الكلية قبل ما ادخلها
بس أنا هنسي كل الكلام ده
و افكر في حاجة واحدة
و طابور عشان أكشف نظر
و طابور عشان أكشف أسنان
و طابور عشان اودي ورق الكشف
و طابور عشان اطلع اذن دفع
و طابور عشان أدفع
و طابور تاني عشان استلم الوصل
و طابور عشان اسلم الوصل و اخد ايصال بالدفع
و لسة كمان طابور أول يوم في الدراسة عشان أستلم الكارنية
فعلا الطابور مشهد حضاري, بس مش في مصر
كل الحوار ده اساسا مش محتاج 5 دقايق في شباك واحد تقف طابور محترم لو كل الموظفين بيشتغلوا بزمة, و تقف في شباك واحد تخلص الحاجات ديه كلها, و تعمل الكشف و السلام عليكم
ما علينا, المهم حظي النهاردة و أنا رايح الصبح كلي أمل
أن النهلردة يوم امتحان الملاحق
فا شوفت افشل طلبة موجودين, فيه واحد مبلط بقاله عشر سنين مسك وداني خلاني اكره الكلية قبل ما ادخلها
بس أنا هنسي كل الكلام ده
و افكر في حاجة واحدة
أنا عايز اتعلم
الجمعة، أغسطس ٣١
مين أكتر ؟؟؟؟
سألت نفسي انا مرة سؤال
مين هو اللي بيكسب اكتر
واحد بيدور عالحلال
ولا واحد بيبص علي أكبر
لقيت الأول كسبان كسبان
علشان طول عمرة راضي
و التاني تعبان تعبان
علشان علي طول مش فاضي
مين هو اللي بيكسب اكتر
واحد بيدور عالحلال
ولا واحد بيبص علي أكبر
لقيت الأول كسبان كسبان
علشان طول عمرة راضي
و التاني تعبان تعبان
علشان علي طول مش فاضي
السبت، أغسطس ٢٥
هو يعني ايه اسرة ؟؟
سؤال بجد أنا مش عارف جوابه
هو يعني ايه اسرة؟
يعني ايه أب و ام؟
يعني ايه أخوات ؟
أنا معرفش, اصل انا عايش في بيت مفكك, كل واحد في وادي, و ماحدش واخد باله من حد
أصل واجب الأب مش الفلوس و بس
و الام مش واجبها النظافة و الأكل و الصحة
في حاجة أسمها
الـــــــتــــــــــربــــــــــيــــــــــة
و ده أكيد أهم واجب من واجبتهم
و الام مش واجبها النظافة و الأكل و الصحة
في حاجة أسمها
الـــــــتــــــــــربــــــــــيــــــــــة
و ده أكيد أهم واجب من واجبتهم
أنهم يربونا
و التربية ليها أوجة مختلفة و ليست فقط تعني التوجيه, بل تحمل معاني اخري كثيرة
و التربية ليها أوجة مختلفة و ليست فقط تعني التوجيه, بل تحمل معاني اخري كثيرة
منها التشجيع, و المساندة, و المشاركة في الفرح و الحزن
و لكنك لا تجد ذلك في بيتنا
و لكنك لا تجد ذلك في بيتنا
لا تجد الا السكون و الصمت أو الزعيق و الشخط
أو دوشة التلفزيون علي القنوات المتخلفة
اللي فيكم أب أو ناوي يكون أب, يا ريت يا ريت
يعرف حاجة واحدة
حاجة عمري ما هنساها لو ربنا رزقني بعيال
أن واجبنا مش نكبرهم بس
واجبنا نسعدهم و نساعدهم
يلا, كلها كام سنة الواحد يقضيها و بعدين يخرج يروح بيته الحقيقي
و هناك أكيد هلاقي طعم الحياة و طعم البيوت
أصلي مش لاقيها دلوقتي
ولا اخواتي لاقينها
ولا ابويا و أمي
أو دوشة التلفزيون علي القنوات المتخلفة
اللي فيكم أب أو ناوي يكون أب, يا ريت يا ريت
يعرف حاجة واحدة
حاجة عمري ما هنساها لو ربنا رزقني بعيال
أن واجبنا مش نكبرهم بس
واجبنا نسعدهم و نساعدهم
يلا, كلها كام سنة الواحد يقضيها و بعدين يخرج يروح بيته الحقيقي
و هناك أكيد هلاقي طعم الحياة و طعم البيوت
أصلي مش لاقيها دلوقتي
ولا اخواتي لاقينها
ولا ابويا و أمي
الجمعة، أغسطس ٢٤
الخروج من عنق الزجاجة
السلام عليكم
بعد ما خلصت الثانوية بتاعتي, و خلصت فترة الفضي و الملل و الزهق, و سافرت و رجعت, و خلاص خلصت الاجازة المملة
جه الوقت عشان ابص لقدام و أشوف دنيتي هتمشي ازاي, و جه الوقت عشان اقعد مع نفسي كده و ازبط دماغي
أنا عايز ايه؟ و هعمله ازاي؟ ديه اهم الاسئلة اللي هسألها لنفسي ان شاء الله لما اقعد معاها
و أنا ليا طقوس خاصة لما بقعد مع نفسي, بدلع نفسي من الاخر
أعمل شاي و اسمع مزيكا و اقعد في حته بحري
و اروق نفسي علي الاخر
ان شاء الله هعمل كده, بس بعد ما أخلص دور البرد اللي انا واخده من ساعت ما رجعت من اسكندرية
بعد ما خلصت الثانوية بتاعتي, و خلصت فترة الفضي و الملل و الزهق, و سافرت و رجعت, و خلاص خلصت الاجازة المملة
جه الوقت عشان ابص لقدام و أشوف دنيتي هتمشي ازاي, و جه الوقت عشان اقعد مع نفسي كده و ازبط دماغي
أنا عايز ايه؟ و هعمله ازاي؟ ديه اهم الاسئلة اللي هسألها لنفسي ان شاء الله لما اقعد معاها
و أنا ليا طقوس خاصة لما بقعد مع نفسي, بدلع نفسي من الاخر
أعمل شاي و اسمع مزيكا و اقعد في حته بحري
و اروق نفسي علي الاخر
ان شاء الله هعمل كده, بس بعد ما أخلص دور البرد اللي انا واخده من ساعت ما رجعت من اسكندرية
الثلاثاء، أغسطس ٢١
عروسة و عرسان
.jpg)
عـــروســـة و عـــرســـان
لما تكون عايش في القاهرة, و بتصحي كل يوم علي صوت العربيات و الزحمه و ريحه الحرايق بتاعت الزبالة و صوت الخناقات في الشوارع, و تحس انك مش طايق نفسك و قرفان من حالك, هتكون متأكد مليون في المية انك في مصر و هتكون متخيل ان مصر كلها زباله
بس اللي انا أكتشفته بجد, ان القاهرة ديه زباله اه, بس في مدينة تانية رائعة الجمال, حتي في الزحمه و الدوشة, و خصوصا في اهلها
أسكندرية مدينه الجمال, عروسة و أهلها عرسان, البلد تحفه و أهلها ناس جدعان قوي و يساعدوك اوي و يسموك قاهراوي و يتريقوا عليك بس يحبوك, و يخافوا عليك جدا و يحاوطوك لو كنت في البحر
أنا قضيت ال3 أيام اللي فاتوا في اسكندرية, كنت قاعد في أبو قير, أكتر مدينة حبيتها في الاسكندرية, من المعسكر الحربي لطسن, و من البحر جوة للقطر, و اهل ابو قير جدعان جدا الا البياعين, يمصوا جيبك, الاسكندرانية تجار درجة اولي
طفت اسكندرية من أولها لاخرها, زرت المعمورة, و ميامي, و محطة الرمل, و السيوف, و الكورنيش, و شارع 45 , و رحت جرين بلازا, شفت طسن, و ستانلي, و التجاري, و القلعة
.jpg)
و أحسن مكان حبيته القلعة, و خصوصا لما تقعد علي المصدات و في وشك البحر من غير سور, و الموج يخبط في المصدات و ينط و يعلي و يغرقك انت و اللي حواليك, ولا التنطيط علي المصدات,و الكابوريا اللي تطلعلك و تختفي في ثوانيولا منظر مراكب الصيد بليل, متعرفش تفرق بينها و بين النجوم في السما, ولا صوت الموج لما بيقلب و منظرة من بعيد, ولا ساعت الفجر لما يأذن و يرج البحر من الجوة يرد وراه الله أكبر, و يا سلام علي انعكاس نور المباني علي سطح الميه و الموج بيتحرك, تحس ان في سمك بينور بيعوم في البحر
ولا كلام الاسكندرنية اللي هموت و اتعلمه و اخد عليه, يقولك الولا محمد, و لما حاجة تعجبه يقولك الييسطه, و يقولك هناكلو و نشربو و نلعبو, و لا التريقة الاسكندراني يا خبر ابيض, دمهم زي السكر, ولا المقالب
و الاسكندرنية بقي تحب تسمع حكاويهم, و كل واحد يحكيلك علي مغامراته في البحر, وفي اسكنرية البلد, و الخناقات, و المصالح
أنا بجد قضيت كام يوم في الاسكندرية رائعين بمعني الكلمه, و قشيت أحسن وقت مع نفسي, و رجعت جيوبي فاضية و مستلف كمان, بس اتبسط
الخميس، أغسطس ١٦
بــنـــات
مخلوقات غريبة اتوجدت مع وجود الكون, مش مفهومة مش معروف ملامحها, كل ما نعرفه عنها أنها مطلوبة و محبوبة و وجودها اساسي في الكون, و من غيرها مش هتستمر الحياةو بيها ممكن تنتهي الحياة, هذه المخلوقات الغريبة تعرف بأسم ( البنات ), و أحيانا بأسم ( الستات) و كلنا نعلمهم جيدا أو تكمن المشكله في اننا نظن اننا نعرفهم جيدا و لكننا لا نعلم عنهم أو عن عالمهم سوي القليل من القليل
هذه المخلوقات الغريبة اقتربت منا بشكل خطير فاصبحوا امهاتنا و اخواتنا و زملاتنا و اصحابنا و زوجاتنا و انتيماتنا, و اصبحوا جزء منا في غمضة عين, و ظلوا يقتربون منا حتي اصبح منهم من يشبهنا كثيرا و يتصرف مثلنا كثيرا
كل واحد فينا في حياته بنت أو أكتر, مش لازم تكون صحبته, ممكن اخته او امه,و عمرك ما تصدق نفسك لو حسيت انك فهمت البنات, فهم معقدين للغاية يحبون و يكرهون في غمضه عين, يطلبون و يعطيون, يرضون و يسخطون, و اسرع ما يفعلونه هو أنهم يتغيرون
فتلك المايصة كانت محجبه من قبل, و تلك الهايفة كانت متعقلة من قبل, و تلك العدوة كانت محبوبتك من قبل, و تلك الشمطاء كانت ام مربية من قبل
اكثر ما اتعجب منه فيهم, انهم غالبا ما يتغيرون من أحسن الي اسوأ, فمثلا المحجبة تخلع الحجاب و هي تظن انها بذلك تتحسن أو تتجمل, و من كانت علي اسس تتركها فتصبح كما تريد ان تكون ( روشة ) و كثير منهم يندمون علي ما يفعلون و يرغبون في العودة لما كانوا عليه ماكان من الأول
و العجب ايضا اني مع ما أري فيهم من تناقض و عيوب, أحبهم و أحب رؤيتهم ( و ده مش معناه حاجة غلط) و لكني احب تواجدهم في حياتي, و ليت كان لي أختا
اكثر ما اتعجب منه فيهم, انهم غالبا ما يتغيرون من أحسن الي اسوأ, فمثلا المحجبة تخلع الحجاب و هي تظن انها بذلك تتحسن أو تتجمل, و من كانت علي اسس تتركها فتصبح كما تريد ان تكون ( روشة ) و كثير منهم يندمون علي ما يفعلون و يرغبون في العودة لما كانوا عليه ماكان من الأول
و العجب ايضا اني مع ما أري فيهم من تناقض و عيوب, أحبهم و أحب رؤيتهم ( و ده مش معناه حاجة غلط) و لكني احب تواجدهم في حياتي, و ليت كان لي أختا
الأحد، أغسطس ١٢
مصر اللي في عينيا
مصر اللي في عينيا
اللي واعي عليها في بالي
ســـألــتــهـا سـؤالـين
ردت و أنـــــا مـــالـي
أنا كنت عروسة منورة في يوم جميل
كان في دمي بيجري ألف نيل
شبك مسمار في طرف فستاني الطويل
و قدامكم اهه انتوا شايفين حالي
أنا كنت أم لكل مصري محترم
كل ضحكة مرسومة في قلب و حيطان الهرم
كان ليا شعب زمان مشهور بالكرم
و دلوقتي بقي يشحت بالليالي
أنا كنت شمعة منوره فوق حطينكم
كنت بتحرق كل ثانية علشانكم
فكرت مرة انطفي و أشوف أنواركم
انطفي نوري و شكله مش والع تاني
معرفتش أرد بس كنت معذور
هي ديه اللي شفتها لما شفت النور
وعيت علي الدنيا و هي بيت مهجور
بتــضلم بالــشهــور و تــنــور ثوانـــي
بتنوري يا مصر لما بتبصي عليا
بتراعيني و بتضللي حواليا
عمري ما حسيتك حقيقة بين ايديا
بس اتمنيت ديه تكون مصر اللي في عينيا
اللي واعي عليها في بالي
ســـألــتــهـا سـؤالـين
ردت و أنـــــا مـــالـي
أنا كنت عروسة منورة في يوم جميل
كان في دمي بيجري ألف نيل
شبك مسمار في طرف فستاني الطويل
و قدامكم اهه انتوا شايفين حالي
أنا كنت أم لكل مصري محترم
كل ضحكة مرسومة في قلب و حيطان الهرم
كان ليا شعب زمان مشهور بالكرم
و دلوقتي بقي يشحت بالليالي
أنا كنت شمعة منوره فوق حطينكم
كنت بتحرق كل ثانية علشانكم
فكرت مرة انطفي و أشوف أنواركم
انطفي نوري و شكله مش والع تاني
معرفتش أرد بس كنت معذور
هي ديه اللي شفتها لما شفت النور
وعيت علي الدنيا و هي بيت مهجور
بتــضلم بالــشهــور و تــنــور ثوانـــي
بتنوري يا مصر لما بتبصي عليا
بتراعيني و بتضللي حواليا
عمري ما حسيتك حقيقة بين ايديا
بس اتمنيت ديه تكون مصر اللي في عينيا
بتوع البنات
السلام عليكم
نوعين من الرجالة أنا بأكرهم
بتوع البنات
و الرجالة العيال
و أكترهم بتوع البنات, اللي هو يبقوا قاعد مع رجالة و في بنات, يطنش الرجالة و يلاغي البنات, دول أنا بأكرهم بغباء و دول بيبقوا حاجتين اما عندهم نقص, يأما بيحبوا يعطوا, و يعطوا يعني يصاحبوا بنات كتير
النهاردة كنت قاعد مع ثلاث عطاطين و ثلاث بنات و أنا
المهم كل اما اتكلم مع راجل فيهم يرد كدة و كدة و يروح محول لواحدة من البنات
هو ده اللي انا باقول عليه, انا بحترمك تحترمني مش عشان بنات قاعدين خلاص اقوم انا
و أنا بقي لو حبيت أعط هعط جامد قوي بس انا بعرف الأصول
وداعا لزمن الرجولة و الاصول في زمن العيال دول
نوعين من الرجالة أنا بأكرهم
بتوع البنات
و الرجالة العيال
و أكترهم بتوع البنات, اللي هو يبقوا قاعد مع رجالة و في بنات, يطنش الرجالة و يلاغي البنات, دول أنا بأكرهم بغباء و دول بيبقوا حاجتين اما عندهم نقص, يأما بيحبوا يعطوا, و يعطوا يعني يصاحبوا بنات كتير
النهاردة كنت قاعد مع ثلاث عطاطين و ثلاث بنات و أنا
المهم كل اما اتكلم مع راجل فيهم يرد كدة و كدة و يروح محول لواحدة من البنات
هو ده اللي انا باقول عليه, انا بحترمك تحترمني مش عشان بنات قاعدين خلاص اقوم انا
و أنا بقي لو حبيت أعط هعط جامد قوي بس انا بعرف الأصول
وداعا لزمن الرجولة و الاصول في زمن العيال دول
السبت، أغسطس ١١
هو أنا كدة لية
السلام عليكم
سؤال عمال يلح عليا مجنني
هو الناس كدة ليه؟ و أنا مش كدة ليه ؟
طب هو أنا اللي غريب ولا هما ؟
طب أنا الصح ولا الغلط ؟
طب هو انا زيهم و مش واخد بالي ؟
ليه أنا براعي شعور الناس و قليل اللي بيراعوا شعوري
لية انا بحب و بعشق اساعد الناس و مش بلاقي حد يساعدني الا قليل
لية انا بصاحب بجد و ماليش اصحاب بمعني اصحاب
ليه انا بضحي و محدش بيضحي عشاني
ليه انا مخلص و محدش بيخلصلي
ليه انا طيب و محدش بيتعامل معايا بطيبة
ليه انا واضح و الناس حواليا طشاش
ليه انا بحمي الشعيف و ساعت مضعف الاقي نفسي لوحدي
ليه انا بشيل هم الناس و محدش بيشيل همي
ليه انا بعمل خير و محدش بيحس بيه
ليه انا اللي دايما بتصل اطمن علي الناس و قليل جدا اللي يتصلوا بيا
ليه أنا بساعد نفسي و اللي حواليا بيعجزوني
ليه انا مع كل ده بضحك
ليه انا مش بعرف اعيط
طب ليه مبكلمش و مبحكيش
طب ليه اقرب الناس ليا ( بيتي ) مش عارفين عني حاجة
طب ليه اتسند علي حد و اقوي نفسي بية و الاخر اكتشف اني بتحامي منه مش فيه
ليه لما بخاف من الناس بتحامي فيحم
ليه لما بتحامي في الناس بخاف منهم
نفسي أعرف انا ليه مش باكل و مش بنام
طب ليه مش بشكي لحد المي
طب ليه اقرب واحد ليا أنا مش عارفه
طب ليه انا مش بفهم نفسي
طب ليه انا كل حيلتي لساني
طب ليه انا شايل الهم
طب ليه شكلي عيان
طب ليه شكلي حزين
طب ليه لما بستريح لحد بتتبني قدامي حواجز عنه
طب ليه اخر واحد بفكر فيه نفسي
طب ليه انا بشرب شيشة مع اني مكنتش بطيقها
السؤال دلوقتي هو امتي
امتي استريح و بالي يرتاح
امتي كده احس الدنيا حلوة قوي ( هي حلوة بس دلوقتي ), و امتي اضحك علي نفسي عشان كتبت البوست ده ؟
سؤال تاني معلش
أنا عايز ايه؟
أنا لما بفكر في رحت البال بتخيل اني أب و عندي اطفال ولد و بنت صغيرين و عايش في بيت مش كبير قوي, و ليا صحاب في الشارع بنزلهم, و ليا شغل مليان مشاكل بس انا بتلذذ بحلها
أكيد مش هي ديه الراحة, مش أكيد ان الكلام ده لو اتحقق انا هبقي مستريح
أنا لسة ببتدي الدنيا من الصفر و باقول يا هادي, لا عندي مال ولا واسطة ولا مؤهل من مؤهلات التفوق في المجتمع المصري
يبقي الموضوع مش موضوع مشاعر و أسئلة غبية, الموضوع موضوع عملي بحت
معاك مصالح هيبقي عندك صحاب و احباب, و ناس تخاف عليك, و ناس تهمها انتي, و ناس تساعدك, و ناس تراعي مشاعرك
يا ناس دا انا الوحيد اللي محدش بيتكلم عنه
يا تري انا اللي عامل في نفسي كده, ولا هي الدنيا كدة
يوم فرحان, يوم زعلان, يوم مهموم, يوم مظلوم, يوم منصور يوم مهزوم, و في الاخر يوم اخير ما بعده يوم
سؤال عمال يلح عليا مجنني
هو الناس كدة ليه؟ و أنا مش كدة ليه ؟
طب هو أنا اللي غريب ولا هما ؟
طب أنا الصح ولا الغلط ؟
طب هو انا زيهم و مش واخد بالي ؟
ليه أنا براعي شعور الناس و قليل اللي بيراعوا شعوري
لية انا بحب و بعشق اساعد الناس و مش بلاقي حد يساعدني الا قليل
لية انا بصاحب بجد و ماليش اصحاب بمعني اصحاب
ليه انا بضحي و محدش بيضحي عشاني
ليه انا مخلص و محدش بيخلصلي
ليه انا طيب و محدش بيتعامل معايا بطيبة
ليه انا واضح و الناس حواليا طشاش
ليه انا بحمي الشعيف و ساعت مضعف الاقي نفسي لوحدي
ليه انا بشيل هم الناس و محدش بيشيل همي
ليه انا بعمل خير و محدش بيحس بيه
ليه انا اللي دايما بتصل اطمن علي الناس و قليل جدا اللي يتصلوا بيا
ليه أنا بساعد نفسي و اللي حواليا بيعجزوني
ليه انا مع كل ده بضحك
ليه انا مش بعرف اعيط
طب ليه مبكلمش و مبحكيش
طب ليه اقرب الناس ليا ( بيتي ) مش عارفين عني حاجة
طب ليه اتسند علي حد و اقوي نفسي بية و الاخر اكتشف اني بتحامي منه مش فيه
ليه لما بخاف من الناس بتحامي فيحم
ليه لما بتحامي في الناس بخاف منهم
نفسي أعرف انا ليه مش باكل و مش بنام
طب ليه مش بشكي لحد المي
طب ليه اقرب واحد ليا أنا مش عارفه
طب ليه انا مش بفهم نفسي
طب ليه انا كل حيلتي لساني
طب ليه انا شايل الهم
طب ليه شكلي عيان
طب ليه شكلي حزين
طب ليه لما بستريح لحد بتتبني قدامي حواجز عنه
طب ليه اخر واحد بفكر فيه نفسي
طب ليه انا بشرب شيشة مع اني مكنتش بطيقها
السؤال دلوقتي هو امتي
امتي استريح و بالي يرتاح
امتي كده احس الدنيا حلوة قوي ( هي حلوة بس دلوقتي ), و امتي اضحك علي نفسي عشان كتبت البوست ده ؟
سؤال تاني معلش
أنا عايز ايه؟
أنا لما بفكر في رحت البال بتخيل اني أب و عندي اطفال ولد و بنت صغيرين و عايش في بيت مش كبير قوي, و ليا صحاب في الشارع بنزلهم, و ليا شغل مليان مشاكل بس انا بتلذذ بحلها
أكيد مش هي ديه الراحة, مش أكيد ان الكلام ده لو اتحقق انا هبقي مستريح
أنا لسة ببتدي الدنيا من الصفر و باقول يا هادي, لا عندي مال ولا واسطة ولا مؤهل من مؤهلات التفوق في المجتمع المصري
يبقي الموضوع مش موضوع مشاعر و أسئلة غبية, الموضوع موضوع عملي بحت
معاك مصالح هيبقي عندك صحاب و احباب, و ناس تخاف عليك, و ناس تهمها انتي, و ناس تساعدك, و ناس تراعي مشاعرك
يا ناس دا انا الوحيد اللي محدش بيتكلم عنه
يا تري انا اللي عامل في نفسي كده, ولا هي الدنيا كدة
يوم فرحان, يوم زعلان, يوم مهموم, يوم مظلوم, يوم منصور يوم مهزوم, و في الاخر يوم اخير ما بعده يوم
الجمعة، أغسطس ١٠
زهــقـــان
السلام عليكم
من كام شهر بي كنت مستني الثانوية تخلص و الاجازة تيجي, و كنت ناوي أعمل حاجات كتير قوي, و قعدت أخطط و أدبر و أحوش و أرتب
و الاجازة جت و قلت بقي انا مش هلاقي وقت انام, بس انا دلوقتي مش لاقي وقت اصحي
كنت ناوي اشتغل و ألعب رياضة و اذاكر و اتعرف علي ناس و أتكلم مع ناس و اخرج و أروح و أجي و...و...و...و
و الطبيعي في البلد بتاعتنا ديه, انك دايما فاضي, عمرك ما تبقي مشغول, و لو شغلت نفسك بحاجة تلاقي ان الحاجة ديه باقت عادي و باقت فضي بالنسبالك
انا من النوع اللي بيحب دايما يبقي مشغول, مشغول بمشاكل و شغل و حركة و مرواح ومجي, و مبصدق الاقي أي مسئولية اتولاها عشان اشغل نفسي
و الاجازة جت و قلت بقي انا مش هلاقي وقت انام, بس انا دلوقتي مش لاقي وقت اصحي
كنت ناوي اشتغل و ألعب رياضة و اذاكر و اتعرف علي ناس و أتكلم مع ناس و اخرج و أروح و أجي و...و...و...و
و الطبيعي في البلد بتاعتنا ديه, انك دايما فاضي, عمرك ما تبقي مشغول, و لو شغلت نفسك بحاجة تلاقي ان الحاجة ديه باقت عادي و باقت فضي بالنسبالك
انا من النوع اللي بيحب دايما يبقي مشغول, مشغول بمشاكل و شغل و حركة و مرواح ومجي, و مبصدق الاقي أي مسئولية اتولاها عشان اشغل نفسي
بس من الواضح في البلد ديه ان اللي عايز يشتغل مبيشتغلش و اللي عايز يلعب بيلعب, يعني الدنيا خربانة
انا عارف اني محتاج اقعد مع نفسي و ارتب انا عايز اعمل ايه, بس انا قعدت كتير و لاقيتها كلها معقدة و متقفله و مش عارف اخرج من مشكلة من غير ملاقي مشكله
و حاجة تانية كمان, انا زمان كنت باصص لنفسي و كل الناس بيبصولي علي اني هكون انسان مييز, فييييييييييين ده
انا متعطل و اللي معطلني اني مش عارف اخد قرارات محددة اللي هو انا هعمل كذا النهاردة يبقي اعمله
انا محتاج مساعدة من حد, مش عارف ليه انا نفسي في اخت, حاسس ان لو كان ليا اخت كنت هتكلم معاها و احكيلها و هتفيدني
حتي اخواتي اللي لاقيتهم قاعدين في مطروح من غير كوشتينة
طب انا اعمل ايه ؟ ؟ ؟ ؟ ؟
انا عارف اني محتاج اقعد مع نفسي و ارتب انا عايز اعمل ايه, بس انا قعدت كتير و لاقيتها كلها معقدة و متقفله و مش عارف اخرج من مشكلة من غير ملاقي مشكله
و حاجة تانية كمان, انا زمان كنت باصص لنفسي و كل الناس بيبصولي علي اني هكون انسان مييز, فييييييييييين ده
انا متعطل و اللي معطلني اني مش عارف اخد قرارات محددة اللي هو انا هعمل كذا النهاردة يبقي اعمله
انا محتاج مساعدة من حد, مش عارف ليه انا نفسي في اخت, حاسس ان لو كان ليا اخت كنت هتكلم معاها و احكيلها و هتفيدني
حتي اخواتي اللي لاقيتهم قاعدين في مطروح من غير كوشتينة
طب انا اعمل ايه ؟ ؟ ؟ ؟ ؟
الثلاثاء، أغسطس ٧
أنا بقيت خبرة
السلام عليكم
و لأول مرة في حياتي أدخل قسم شرطة, من الباب وانا حاسس ان في حاد ماشي ورايا, و كل شوية افتكر الكليبات اللي البالي بالك و ابقي عايز اخلص و أمشي بسرعة
و لأول مرة في حياتي أدخل قسم شرطة, من الباب وانا حاسس ان في حاد ماشي ورايا, و كل شوية افتكر الكليبات اللي البالي بالك و ابقي عايز اخلص و أمشي بسرعة
شفت هناك العجب مع أني يدوبك مالباب للظابط النبطشي للمكتب و بس
أنا رحت عشان أعمل محضر بفقدان البطاقة لأن المحفظة اتسرقت و فيها حاجاتي, المهم يعني ديه بعض الارشادات و النصائح عشان لو حصلوكوا زيي و حبيتوا تعملوا محضر
أولا
طول مانت ماشي قول سلامو عليكو لأي حد.. و أوعي تقول السلام عليكم .. يشكوا فيك علي طول
ثانيا
أدخل تاني مكتب شمال بتاع ايه معرفش, هتلاقي ظابط وريله نفسك بس من غير ما تتكلم هيديك ورقتين أوعي تفتكر انم ببلاش, لأ دا انت هتروح تصورهم من المكتبه اللي جنب القسم
ثالثا
أنا رحت عشان أعمل محضر بفقدان البطاقة لأن المحفظة اتسرقت و فيها حاجاتي, المهم يعني ديه بعض الارشادات و النصائح عشان لو حصلوكوا زيي و حبيتوا تعملوا محضر
أولا
طول مانت ماشي قول سلامو عليكو لأي حد.. و أوعي تقول السلام عليكم .. يشكوا فيك علي طول
ثانيا
أدخل تاني مكتب شمال بتاع ايه معرفش, هتلاقي ظابط وريله نفسك بس من غير ما تتكلم هيديك ورقتين أوعي تفتكر انم ببلاش, لأ دا انت هتروح تصورهم من المكتبه اللي جنب القسم
ثالثا
املا الورقة و اديهي للظابط, و بعدين هيحولك عالهانم اللي قاعدة جنبه, اديها الورقة هتبصلك بصة استحقار و تقولك 3.5 دمغة, اديهالها و اوعي تبص علي الفلوس بتاعتك هتحطهي فين, عشان عيب, المهم يعني خد منها الدمغات
رابعا
رابعا
روح للظابط النبطشي و هو غالبا بيكون شخصية غتيتة كده حتي و هو بيهذر, و لو هذر معاك, لازم تضحك, المهم اديلة الورقة هيشخبط عليها ليه معرفش
خامسا
خامسا
ارجع تاني للهانم, هتكتبلك ورقه ب 2 جنيه
سادسا
سادسا
روح للظابط النبطشي هيبص علي الورقة و يشخبط عليها تاني
سابعا
ارجع تاني للهانم
هتقطع الورقة بتاعتك و تديك ورقه تانية و هتقولك بصوت راجل
هتقطع الورقة بتاعتك و تديك ورقه تانية و هتقولك بصوت راجل
اطلع علي السجل هات ورقة بــ15 جنيه
و لو سألتها: الورقه اسمها ايه
هتقلك: ايه السؤال الغغغغغريب ديه ( قصدها الغبي ), أنت أول مرة تعمل بطاقة ؟
و ده معناه انك هتشتري ورقة بتاعت البطاقة
بس خلاص
ساعة عمال امضي ورق و يتشخبط عليه و في الاخر يتقطع
و طول ما انت ماشي شايف ناس نايمة علي الارض و ناس بتلعب و ناس بتشرب شاي
بس خلاص
ساعة عمال امضي ورق و يتشخبط عليه و في الاخر يتقطع
و طول ما انت ماشي شايف ناس نايمة علي الارض و ناس بتلعب و ناس بتشرب شاي
الاثنين، أغسطس ٦
و ان مسه الضر فذو دعاء عريض
السلام عليكم
قبل أي حاجة أنا الحمد لله كويس و راضي 100% عن حياتي و راضي حتي عن كل ضر اصابني
قبل أي حاجة أنا الحمد لله كويس و راضي 100% عن حياتي و راضي حتي عن كل ضر اصابني
النهاردة كنت قاعد مع واحد زميلي بيشتكي ان في حاجة غريبة في عينية, هو من النوع اللي مش بيحب يروح لدكاترة زيي, الناس كلها نصحته انه يسيبها و هيا هتشفي لوحدها و أنا كان رأيي ان الانسان ساعات يصيبه شيء لمدة يوم و ممكن يطول شوية و ممكن يعيش معاه طول حياته, فا مش كل حاجة الواحد يجري ورا الدكاترة فيها, روح لربنا الأول قبل الدكتور, ادعي و صلي و اجعي تاني كتيير و اصبر لحد ما ربنا يشاء و يرفع عنك البلاء
بس هل ده تواكل, هل ده تعارض مع الاخذ بالاسباب ؟ ؟ ؟
أنا عن نفسي مروحتش لدكتور في حياتي الا لما بتوصل بيا الدرجة اني ببكي من الألم, و الحمد لله ربنا بيشفيني, بس في حاجات مش بتخف و بتلازمك طول عمرك سواء ان رحت فيها لدكتور او مروحتش, ده كمان ممكن زيارة الدكتور تكون مضرة
أنا عن نفسي مروحتش لدكتور في حياتي الا لما بتوصل بيا الدرجة اني ببكي من الألم, و الحمد لله ربنا بيشفيني, بس في حاجات مش بتخف و بتلازمك طول عمرك سواء ان رحت فيها لدكتور او مروحتش, ده كمان ممكن زيارة الدكتور تكون مضرة
أنا سايبها علي الله, اسبوع كويس و كام يوم صعبين و الحمد لله, بس خايف اتسأل يوم الحشر انا ليه سيبت نفسي اتألم
الخميس، أغسطس ٢
امسك حرامي
أتنشلتالنهاردة حصلي موقف بايخ جدا
كان معايا أخت من أخواتي الكتيير اللي مش جايبينهم أبويا ولا أمي, المهم يعني كنا متأخرين و الميكروباص مصدقنا انه جه فركبنا وسط الزحمة و هب مش لاقي المحفظة راحت فين راحت فين مش عارف
المهم انه بعد الموقف ده ببص ورايا عشان الاقي حد بيجري أجري وراه مش لاقي خالص اللي سرقني فضل واقف, و انا بدور لاقيت واحد بيقولي ان اللي سرقني ركب الميكروباص ده ففاتكرت وقتها ان أختي معايا و أنها ركبت الميكروباص لوحدها فجريت ورا الميكروباص و لحقته بس لما ركزت عرفت أن اللي سرقني هو اللي قاللي ان الحرامي ركب الميكروباص ده
بالصراحة انا مش زعلان علي الفلوس اللي في المحفظة أنا بس عايز البطاقة و مخنوق عشان اتسرقت لأن ديه أول مرة أتسرق
يلا انا لله وانا اليه لراجعون
الاثنين، يوليو ٣٠
شوف بقينا فين
أنا مش عارف اقول ايه ولا ابدأ ازاي
بس أنا ماكونتش متخيل اني ممكن اوصل للدرجة ديه من الفضي, الفضي يعني أنا فاضي مش ورايا حاجة ولا بعمل حاجة
زمان كنت علي طول مشغول, كنت علي طول بقرأ و بتعلم و أنزل و ألف و أشترك في حاجات كتيي و أعمل حاجات كتيير, دلوقت يانا فاضي جدا
انا من كتر الفضي بقيت مقضي النهار نوم, و طول الليل قاعد علي القهوة :) زمان كنت طول النهار بشتغل و طول الليل لعب كورة
أنا مش عايز ارغي ولا أتكلم, أنا عايز بس أعرف انا ليه باقيت كده ؟؟
بس أنا ماكونتش متخيل اني ممكن اوصل للدرجة ديه من الفضي, الفضي يعني أنا فاضي مش ورايا حاجة ولا بعمل حاجة
زمان كنت علي طول مشغول, كنت علي طول بقرأ و بتعلم و أنزل و ألف و أشترك في حاجات كتيي و أعمل حاجات كتيير, دلوقت يانا فاضي جدا
انا من كتر الفضي بقيت مقضي النهار نوم, و طول الليل قاعد علي القهوة :) زمان كنت طول النهار بشتغل و طول الليل لعب كورة
أنا مش عايز ارغي ولا أتكلم, أنا عايز بس أعرف انا ليه باقيت كده ؟؟
أنا لما بحاول أعرف الاجابة بفتكر الثانوية العامة الهباب و اللي عملته فيا, انا في الثانوية العامة وقفت حياتي كلها عشانها و في الاخر مخدتش حاجة منها, سبت كل الحاجات اللي انا كنت بتعلمها و ركزت في الثانوية العامة بس, مع ان في ناس كتيير كانت بتعمل كل حاجة و في نفس الوقت تفوقت في الثانوية العامة.
السؤال دلوقتي
هل هو سوء تنظيم وقت مني؟
ولا نصيب ؟
و لا غباء مني ؟
أنا بجد محتار, عايز أعرف انا بقيت كده ليه و ممكن أرجع زي ما كنت ولا لأ ؟ ؟ ؟ ؟ ؟ ؟ ؟ ؟
هو في ناس لسة معتقدة اني مميز بس انا مش عارف انا مميز في ايه ؟؟
زمان كنت عارف انما دلوقتي لأ ... أنا اه طيب و بحب الناس و ساعات دمي بيبقي خفيف و لما بحط دماغي في حاجة بنجزها بس برضة أنا مش عارف هكمل تعليم فين و مستقبلي مبهم
هو في ناس لسة معتقدة اني مميز بس انا مش عارف انا مميز في ايه ؟؟
زمان كنت عارف انما دلوقتي لأ ... أنا اه طيب و بحب الناس و ساعات دمي بيبقي خفيف و لما بحط دماغي في حاجة بنجزها بس برضة أنا مش عارف هكمل تعليم فين و مستقبلي مبهم
أنا مش قدامي حاجة غير اني استني الجواب, بس هو هيجي امتي ؟؟
دعاء مواطن مصري مطحون
دعاء مواطن مصري مطحون
اللهم أنقذنا من نرفزة الزملاء..
وغباء الأصدقاء
ومفاجأة الأعداء
اللهم ارحمنا من استبياع الجيل الجديد..
وحرائق السكة الحديد واستقصاد كل مدير..
ونداله القرايب الصغير منهم والكبير
اللهم أغثنا من كل عميل..
ومن فواتير موبينيل اللهم أرحمنا من تشريفه عربيات المسئولين،
وزحمة الشوارع في كل حين وسحب الرخص في كل كمين..
من الغلبان مش م المتين
اللهم اهدى لنا سواقين الميكروباص
ومدير الشركة الباص
اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
اللهم قنا شر الكليبات..
وشر شلل البنات..
ولؤم الستات
وغباوة الحموات
والميني مم تشارج كافيهات..
وهيافة الصحف والمجلات
وقطع الحرارة فجأة عن التليفونات
وقت الزنقات والمدارس اللي بتطلب تبرعات بالألافات ووقوع السيرفر وقفلة السايتات
اللهم ارفع مستوى الفريق القومي..
لمستوى أنبى والحدود.. أو حتى مستوى أسمنت أسيوط
أو أرسل يارب عليه صاعقة.. بدل ما يخلونا نموت..
اللهم سدد أقساطنا..
وضلل عنا مآمير الضرايب اللهم ارزق جيل الوسط عقود عمل في ليبيا وقطر
اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح
اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب وصاحب تصريحات النصاب
اللهم ارزق كل بنت بعريس هدية..
وكل شاب بوظيفة وشقة وعربية
اللهم أحرق الـ0900
واضرب الحرامية بالحرامية
ونجح أي طالب في أي كلية
حتى ولو كان في التربية الموسيقية
(من غير زعل)
اللهم أمين
اللهم أمين
اللهم أمين أمين يارب العالمين
السبت، يوليو ٢١
عمري
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
الثلاثاء، يوليو ١٧
الليلا دي
تضاربت الاراء علي ألبوم عمرو الجديد, ناس بتقول أنه أوحش ألبوم عمرو عمله و ناس تانية عاجبها الألبوم جدا
أنا عن نفسي حابب الألبوم جدا و خصوصا الاغنيات ديه
الليلادي
نئول ايه
حكايات
خليك معايا
و علي فكرة أنا مش عمراوي أنا منايري بس الألبوم عاجبني برضة
جبت ؟؟؟
77%
الرقم اللي فوق ده بيمثلك ايه؟؟؟؟
أنا بقي بيمثلي نتيجتي في الثانوية العامة المصرية الحديثة
فضيحة بجلاجل
بس و الله هـــــي أكتر واحدة فاهماني و رأيها كان أكتر رأي يهمني, و الحمد لله ربنا هداهالي
ربنا يقدرني و أسعدها
متسئلوش هي مين
الرقم اللي فوق ده بيمثلك ايه؟؟؟؟
أنا بقي بيمثلي نتيجتي في الثانوية العامة المصرية الحديثة
فضيحة بجلاجل
بس و الله هـــــي أكتر واحدة فاهماني و رأيها كان أكتر رأي يهمني, و الحمد لله ربنا هداهالي
ربنا يقدرني و أسعدها
متسئلوش هي مين
الاثنين، يوليو ١٦
أنا خايف
مرعوب و الله
بكرة في الفجر نتيجة الثانوية العامة هتطلع, و ده معناها ان الفجر مش هيطلع بكرة عشان انا مستني النتيجة بتاعت حضرتي لأن الباشا في ثالثة ثانوي و قطم وسط أهله بقاله سنتين مطلع عنيهم ليل و نهار و هو نايم و هو صاحي مالاخر لو ما اتجدعنش السنة ديه يبقي خسارة فيه اللقمة اللي بياكلها و خسارة فيه النوم اللي بينامة هنسيبة و نبص بقي لاخواته يمكن حد يفلح فيهم من بعده, و لا عن ما حد فلح خالص
بكرة في الفجر نتيجة الثانوية العامة هتطلع, و ده معناها ان الفجر مش هيطلع بكرة عشان انا مستني النتيجة بتاعت حضرتي لأن الباشا في ثالثة ثانوي و قطم وسط أهله بقاله سنتين مطلع عنيهم ليل و نهار و هو نايم و هو صاحي مالاخر لو ما اتجدعنش السنة ديه يبقي خسارة فيه اللقمة اللي بياكلها و خسارة فيه النوم اللي بينامة هنسيبة و نبص بقي لاخواته يمكن حد يفلح فيهم من بعده, و لا عن ما حد فلح خالص
لأ و كمان ايه السنة اللي فاتت خسع و جاب 83% و قال ايه كمان مكمل علمي رياضة يعني قفلها في وشة و حرم نفسة أنه يبقي محترم و هيعيش طول عمرة مهزأ ولا هتقوم له قومة لو ما عملش حاجة السنة ديه
عشان كدة انا مرعوب
أنا حكايتي حكاية مع الثانوية العامة ديه, و اللع العظيم تعبت و تعبت جامد قوي كمان بس أعمل ايه ده نصيبي, انا متأكد أنا خرفت في الامتحانات السنة ديه و هجيب مجموع زي الزفت و بعترف اني ما ذاكرتش السنة ديه خالص, بس لما الواحد يكون تعب في حاجة و في الاخر ماتجيلوش و تروح لناس كان شاكك انهم حتي يحلموا بيها, أكيد الواحد ده هيجيلوا احباط و هيبقي مش مستعد يتعب تاني و ها انا هنا
ربنا يستر
عشان كدة انا مرعوب
أنا حكايتي حكاية مع الثانوية العامة ديه, و اللع العظيم تعبت و تعبت جامد قوي كمان بس أعمل ايه ده نصيبي, انا متأكد أنا خرفت في الامتحانات السنة ديه و هجيب مجموع زي الزفت و بعترف اني ما ذاكرتش السنة ديه خالص, بس لما الواحد يكون تعب في حاجة و في الاخر ماتجيلوش و تروح لناس كان شاكك انهم حتي يحلموا بيها, أكيد الواحد ده هيجيلوا احباط و هيبقي مش مستعد يتعب تاني و ها انا هنا
ربنا يستر
الأحد، يوليو ١٥
أفتتاح المدونة
السلام عليكم و رحمه الله و بركاته
بيني و بينك, ده اسم المدونة اللي ان شاء الله, هشتغل فيها, و الواضح من الأسم أن كل الكلام اللي انا هكتبه هنا هيكون بيني و بينك يعني من صاحب لصاحبه
أنا عملت المدونة ديه لأني محتاج لمساحة أكتب في ارائي في كل حاجة, في السياسة و العلم و الدين و الرياضة و كل حاجة, و حتي عشان أكتب رأيي عن نفسي و عن مشاكلي الخاصة, و حابب تكون المدونة ديه هي "عالمي الصغير " اللي بتكلم في مع نفسي و اسمع صدي صوتي من غير ما حد يحجبه
بيني و بينك, ده اسم المدونة اللي ان شاء الله, هشتغل فيها, و الواضح من الأسم أن كل الكلام اللي انا هكتبه هنا هيكون بيني و بينك يعني من صاحب لصاحبه
أنا عملت المدونة ديه لأني محتاج لمساحة أكتب في ارائي في كل حاجة, في السياسة و العلم و الدين و الرياضة و كل حاجة, و حتي عشان أكتب رأيي عن نفسي و عن مشاكلي الخاصة, و حابب تكون المدونة ديه هي "عالمي الصغير " اللي بتكلم في مع نفسي و اسمع صدي صوتي من غير ما حد يحجبه
في الأول أنا كنت بدون في كراسة أو كشكول, بس انا حسيت ان ده مش كفاية, انا مش هستفيد حاجة لما اكتب و أقرأ لنفسي, لازم الناس تشوف انا بفكر ازاي و دماغي ماشيه ازاي و احاول اني أوصل أفكاري للناس
دورت في مدونات كتيرة جدا عشان الاقي نماذج اتبعها, و بصراحة في مدونات كتيير عجباني جدا و خصوصا المدونات اللي عاملينها طلاب في الجامعة, لأنها بجد بتعبر عن حال البلد, قرأت لمدونين كتير ولاد و بنات و أعمار مختلفة و حسيت ان كتير منهم قريب من تفكيري و ممكن يفهموني لأني من النوع اللي مبيتفهمش بصراحة, من صغري و أنا كدة عامل زي زعيم العصابة بتكلم قليل و بفكر كتير عشان كدة محدش بيفهمني أو محدش بيعرف يقرأني
في البداية أنا كنت عايز ادون باللغة العربية بس أنا فضلت العامية عشان أعرف أقول قشطة و كوول و الكلام دة, و بما أنب بكلم أصحابي فأنا مش هقولهم كيف حالكم و هقول ازيكم يا عيال و كده يعني.
أنا بقي حابب أعرفكم بنفسي
الأسم: محمد سعيد
السن: 17 و 1/10 هدخل الــ18
الدراسة: أنا مخلص ثانوية عامة و حاليا مستني التنسيق و هبقي أحكيلكم علي الثانوية العامة بتاعتي
أنا نفسي أتعرف علي مجتمع المدونين و يا ريت الاقي فيه اللي انا بدور عليه, و لو ملقيتش هدور في حته تانيه لأني بجد عايز اتكلم بس الكلام بيني و بينك
الأسم: محمد سعيد
السن: 17 و 1/10 هدخل الــ18
الدراسة: أنا مخلص ثانوية عامة و حاليا مستني التنسيق و هبقي أحكيلكم علي الثانوية العامة بتاعتي
أنا نفسي أتعرف علي مجتمع المدونين و يا ريت الاقي فيه اللي انا بدور عليه, و لو ملقيتش هدور في حته تانيه لأني بجد عايز اتكلم بس الكلام بيني و بينك
الاشتراك في:
الرسائل (Atom)