النهاردة أنا عايز أتكلم علي الحب, بس بمنظار تاني و رؤيا تانيه, عايز أتكلم في شيء الناس مش بتفهمه صح. هخلي الموضوع في صوره تاج أنا أول واحد هجاوب عليه و همرروا للناس كلها.. و لو سمحتوا, الموضوع مش محرج ولا حاجة, كلنا حبينا و بنحب و هنفضل نحب, بلاش نعتبر الموضوع شيء عيب نتكلم فيه, و ان شاء الله التاج هيبقي سهل ومافيهوش اي سؤال محرج, و السؤال اللي ماتحبش تجاوب عليه أكتب فيه ( مسأله شخصية ) و أنا هفهم..
___________________________
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
أصغير خيالني, و كنت بحبه علشان كان بيمثلي الشاب المحترم الناجح
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
أول مرة كنت في ثالثة ابتدائي, و كانت حاجة عيالي كده بس لذيذة لأنها كانت أول تجربة, طبعا مكانش كامل فيها المعاني الاساسية للحب بس كانت تجربة جميلة و طفوليه, كل ما أفتكرها أفتكر أغنية محمد منير بتاعت ( جيرة و عشرة ) يا ريت تسمعوها
امتي أول مرة تشوف اثنين بيحبوا بعض, و قلت هو ده الحب بجد؟
من ثلاث سنين أو حاجة كان عندي 15 سنة, كنت قاعد مع عيال اصحابي في جنينة كده, و كانت حوالي الساعة 8 بالليل, و كان فيه اثنين عواجيز ست و راجل سنهم الاثنين يتعدي الـ60 قاعدين يضحكوا و يهزروا و سمعت طراطيش كلام كده انهم بيتكلموا علي اولادهم اللي اتجوزوا و أحفادهم و مواقفهم الطريفة, و ساعتها قلت اني لو وصلت لكده مع واحدة يبقي كده أنا حبيتها بجد.
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
ثمانيه فاكرهم
و اثنين ناسيهم
كام شخص منهم كان نفسك تكمل معاه حياتك؟
كلهم
طيب و امتي عرفت مين حبيته بجد و مين لأ؟
قريب قوي
ايه مقاييس الحب الحقيقي بالنسبه ليك/ليكي؟
أولا: تتقي الله مع اللي بتحبه, يعني كل لحظة أنت معاه تكون عارف أن ربنا شايفكم
ثانيا: يكون هدفك الأساسي شريف, يعني مش مجرد وقت و بيعدي, لأ يكون الهدف بعد كده أسرة هتتكون و مسئوليات
ثالثا: تحميها حتي من نفسك, يعني تبعد عنها علي قد ما تقدر و تجاهد نفسك في كده, و قصدي البعد يعني عن اللمس
رابعا: تراعي نظرة الناس ليها و هي معاك, يعني مين هيقول ايه, يعني السمعة
خامسا: تكون مصلحتها رقم واحد بالنسبة لك
سادسا: انك تراعي ان ليها كرامة و ليها أحلام و ليها مخاوف, يعني ماتضغطش عليها في حاجة تمس دول الا لو غلط او حرام
ثامنا: ان يكون موضوعكم رسمي لاقرب درجه ممكنه, يعني أهلها يكون عندهم علم ولو بأبسط الأمور
هل الحب بيدوم علي طول؟
لأ, و لأ, و لأ, الحب كمشاعر لا تدوم للأبد, بتروح و تيجي في أمور الدنيا, لأن الدنيا مشاغل و لو الانسان سمح لمشاعرة تسيطر عليه هيكون مصيرة الفشل في حاجات كثير, انما لو بقي الشخص اللي انت بتحبه بقي شيء اساسي في حياتك, يبقي ان شاء الله العلاقة هتنجح.
و أساسي يعني فرد في عقلك, زي امك و ابوك و اخواتك و أهلك, مش شرط انك تفضل 24 ساعة بتفكر فيهم و هيمان في حبهم, انما أمرهم يهمك و حبك بيظهر في معاملتك معاهم و مواقفك تجاههم, يعني عملي.
في نظرك, يعني ايه اتنين بيحبوا بعض بس مش بجد؟
يعني مقضينها من الاخر, خروجات و ضحك و لعب و شوية منظرة, و سهتنه, و قبل ما تنامي كلميني, و قبل ما تصحي رني عليا و الكلام الفاضي ده.... ده كله مظاهر كدابه, أو حب مشاعر هينتهي في أي لحظة, لأن المشاعر زي ما قولت بتتغير.
للمتزوجين فقط؟انت لسة بتحب مراتك؟
طيب فاكر واحدة من اللي قبلها ولا خلاص؟
انا لسة مش متجوز
ايه مفهوم الغيرة عندك؟
الغيرة هي احساس طبيعي ربنا خلقة في الانسان, خلق الانسان ليغار علي أهل بيته
ايه مواصفقات البنت/الولد(للبنات) اللي انت نفسك تكمل حياتك معاها؟
متدينة بعيدة كل البعد عن التشدد و التعصب, وقورة في مواقف الجد, شقية جدا, عندها حياء حتي مني, مثقفة و ليها اهتمامات, مش نكدية, محاورة جيده, و تقدر تحل محلي في أي وقت, مدبرة, جميلة و بتاخد بالها من نفسها, صادقة جدا.
و هل لاقيت ده موجود في البنت اللي بتحبها حاليا؟
أو هل لاقيت ده موجود عامه؟
مش كل الصفات موجودة فيها, انما اكثرها و أهمها, و الباقي مع الوقت هيتوجد..ان شاء الله
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
لأ مش حرام لو بينك و بينها حدود الدين, يعني مفيش لمس ولا همس ولا الكلام الفاضي ده
صف نفسك كمحب في كلمه او جمله صغيرة
عملي
أرجو منكم الاجابه علي الاسئلة ديه, اما علي مدوناتكم او اللي معندوش مدونه يجاوب في تعليق علي الموضوع ده عندي في المدونة.
و التاج مفتوح للكل, مش شرط للي عملتلهم دعوة.
ملحوظة, أرجو من كل اللي يجاوب علي التاج عنده في المدونة, يكتبلي تعليق عندي فيه رابط التاج علي مدونته
الــتــــــــــاج
Copy and Paste
_________
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
امتي أول مرة تشوف اثنين بيحبوا بعض, و قلت هو ده الحب بجد؟
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
كام شخص منهم كان نفسك تكمل معاه حياتك؟
طيب و امتي عرفت مين حبيته بجد و مين لأ؟
ايه مقاييس الحب الحقيقي بالنسبه ليك/ليكي؟
هل الحب بيدوم علي طول؟
في نظرك, يعني ايه اتنين بيحبوا بعض بس مش بجد؟
للمتزوجين فقط؟انت لسة بتحب مراتك؟ طيب فاكر واحدة من اللي قبلها ولا خلاص؟
ايه مفهوم الغيرة عندك؟
ايه مواصفقات البنت/الولد(للبنات) اللي انت نفسك تكمل حياتك معاها؟
و هل لاقيت ده موجود في البنت اللي بتحبها حاليا؟
أو هل لاقيت ده موجود عامه؟
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
صف نفسك كمحب في كلمه او جمله صغيرة
______________________
هناك ١٣ تعليقًا:
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟اول شخص بالظبط مش فاكرة بس اللي في تفكيري دلوقتي هوة الكاتب عبد الوهاب مطاوع كان ولا زال بالنسبالي مثل اعلي في حاجات كتير قوي وانا بجد بحبو جدا واتعلمت منو حاجات كتيرةونفسي اكون زيو اكيد .
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
من زمان قوي ابتدائي علي ما افتكر وكنت باحس لما بشوفو اني مبسوطة.
امتي أول مرة تشوف اثنين بيحبوا بعض, و قلت هو ده الحب بجد؟
في كتير اعرفهم بيحبوا بعض بجد متجوزين وغير متجوزين بس اول حد اول حد ابويا وامي
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
كتييييييير قوي انا تقريباوانا صغيرة كنت كل ما اشوف حد احبو
كام شخص منهم كان نفسك تكمل معاه حياتك؟
ساعتها كان كلهم
طيب و امتي عرفت مين حبيته بجد و مين لأ؟
مين لا عرفت من زمان لان في حب طفولي دا اكيد ماكنش بجد بس مين حبيتو لسة مااتاكدتش قوي لان الموضوع مش سهل
ايه مقاييس الحب الحقيقي بالنسبه ليك/ليكي؟
اول حاجة اننا نكون بنراعي ربنا في الحب داوبعد كدة يكون هدف الحب دا اكيد الارتباط الرسمي وتكوين اسرةوكلمة حب معناها كبير قوي يعني احترام وحد يخاف عليك بجد يعني حد يقدر يفهمك وانت تفهمو ويحس بيك وحاجات تانية كتير مالهاش اخر
هل الحب بيدوم علي طول؟
الحب موجود بس مش في كل وقت مش هنفضل نحب طول الوقت بس اكيد اللي بحبو بيبقي في بال علي طول ومتهيالي لكل حاجة وقت
في نظرك, يعني ايه اتنين بيحبوا بعض بس مش بجد؟
يعني بيتسلوا وبيضحكوا علي نفسهم وفاكرين الحب بالكلام وبس
للمتزوجين فقط؟انت لسة بتحب مراتك؟ طيب فاكر واحدة من اللي قبلها ولا خلاص؟
لسة ماحصليش الشرف
ايه مفهوم الغيرة عندك؟
الغيرة دي احساس طبيعي بس المهم ان يكون ليها حدود
ايه مواصفقات البنت/الولد(للبنات) اللي انت نفسك تكمل حياتك معاها؟
اول حاجة يكون علاقته بربنا كويسة بالمعني الصح مش التزمت ويكون بيحبني ويحترمني ويخاف عليا ويكون عندو هدف في حياته ويكون طموح ومثقف ويقدر يفهمني صح والمسائل المادية مش بتفرق معايا كتير
و هل لاقيت ده موجود في البنت اللي بتحبها حاليا؟
أو هل لاقيت ده موجود عامه؟
اكيد دا موجود بس متهيالي مش شرط يكون كلو موجود في شخص واحد
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
الحب اكيد مش حرام بس لو كان حب بجد وفي حدود الدين
صف نفسك كمحب في كلمه او جمله صغيرة
لما احب احب بجد مش بالكلام وبس واعمل اي حاجة مهما كانت علشان اللي بحبو
نورا______________________
http://monycafe.blogspot.com/2007/10/blog-post_24.html
ميرسي اوى على التاج و هتلاقيه موجود عندي على اللينك ده
ابقى شرفني بقى عشان هديتك عملت ايه فيا
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
ما فيش!!!!!!!!!
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
في ابتدائي انا كنت بحبه و هوا كمان..بس طبعا كله ذهب مع الرياح يعني شغل اطفال بقي
امتي أول مرة تشوف اثنين بيحبوا بعض, و قلت هو ده الحب بجد؟
خالي و مراته..عاشوا قصة حب جميلة اوي
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
ممكن اعجبت بكتيير اووي
و لكن مرة واحدة بس حبيت فيها بجد
كام شخص منهم كان نفسك تكمل معاه حياتك؟
هوا الشخص ده بس كله قسمة و نصيب..
طيب و امتي عرفت مين حبيته بجد و مين لأ؟
برده هوا الاخ ده حبيته بجد..
ايه مقاييس الحب الحقيقي بالنسبه ليك/ليكي؟
انه يكون حب في النور يعني مش في السر,يعني بعلم الاهل
هل الحب بيدوم علي طول؟
اه بيدوم لوكان مبني علي اسس قوية و دينية و في جدية من الاول..و مهما حصل مشاكل هيدوم الحب
في نظرك, يعني ايه اتنين بيحبوا بعض بس مش بجد؟
يعني قلة ادب و تسلية و لعب و تضيع وقت و طبعا ضياع سمعة البنت نهائيا
للمتزوجين فقط؟انت لسة بتحب مراتك؟ طيب فاكر واحدة من اللي قبلها ولا خلاص؟
انا مش متزوجة, و هرد عليك بعد ماتجوز انشاء الله ,فول كده بعد 5 او 6 سنين و حط عليهم 4 سنين بعد الجواز علشان اقدر اقولك بالظبت.
ايه مفهوم الغيرة عندك؟
امر طبيعي بين كل حبيبين و لكن ان تكون غيرة صحية و ليست مرضية اي متكونش غيرة علي الفاضي و المليان, لازم يكون في عقل شوية لان لو مفيش داع الحب
ايه مواصفقات البنت/الولد(للبنات) اللي انت نفسك تكمل حياتك معاها؟
1-متدين و يتقي الله
2-اخلاق عالية م مستواه الاجتماعي و المادي كويس
3-متفاهم و عاقل و جاد و في نفس الوقت لذيذ و لطيف
4-يكون بيحبني اوي و يحافظ عليا
5-قادر علي تحمل المسؤولية
6-شكله مقبول كويس يعني و مهندم
7-مش عصبي و يكون طيب
ملحوظة: دا مش بالترتيب فكلة بالنسبالي رقم 1
و هل لاقيت ده موجود في البنت اللي بتحبها حاليا؟
أو هل لاقيت ده موجود عامه؟
نعم لقيته في الشخص ده معادا حاجات بسيطة, و عامة نادرا متلاقي حد كده اليوميين دوول
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم؟
لأ مش حرام لو كان يرضي ربنا
صف نفسك كمحب في كلمه او جمله صغيرة؟
انا لسه مافيش حاجة حاليا..لكن اصف تفسي في كلمة و هي (عاقلة)ر
انا اخدت التاج بس لسه ما جاوبتش لما اجاوب هبعتلك اللينك
تشي
نورا
أسمحيلي أقولك ان في وجه شبه كبير بين اجاباتي و اجاباتك.
و عايزك تسمعي اغنية جيرة و عشرة بتاعت محمد منير و ركزي فيها شوية.
Che The Sad
انا هستني اللينك بتاع التاج علي نارررر
http://cheeeeeez.blogspot.com/2007/10/blog-post_1360.html
لينك التاج
تشي
السلام عليكم
مشكلتي اني لما بحب بحب اوي
يعني مثلا بحب مصر تلاقيني بحب غناها وفقرها بحب الحلو والوحش ما دام ممكن يتغي ومن كتر حبي في مصر ما عملتش مدونه عشاني لأ عملت مدونه بحب مصر عشان تبقي كرنفال لكل الي بيعش الو طن الجميل مصر
www.bhbmasr.blogspot.com
ده موضوع حلو اوي بجد
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
نبي محمد صلي الله عليه وسلم لأني لم أره وتمنيت وازلت أتمني مرافقته علي الدوام لأنه أكمل الخلق
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
كان تقريبا في تانية او تالتة
ابتدائي و كان الحب ساعتها ان اروح معاها اشرب مياه و استناها لما تنزل في الفسحة و اقولها زي الأفلام انا معجب بيكي
امتي أول مرة تشوف اثنين بيحبوا بعض, و قلت هو ده الحب بجد؟
هو انا شوفت كتير كده يعني مثلا تالته اربعه بس اجمل قصة حب انا سمعتها مش شفتها هي قصة حب النبي صلي الله عليه وسلم لزوجته عائشة بجد هو ده الحب
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
نقول عشرة مثلا لو علي الكلام اللي فوق ده مفيش حاجة اسمها حب مش بجد ده يبقي اسمه كلام فارغ
كام شخص منهم كان نفسك تكمل معاه حياتك؟
ولا واحد فعلا
طيب و امتي عرفت مين حبيته بجد و مين لأ؟
من ثلاث سنوات نقول تقريبا دخلين ف
الرابعة
ايه مقاييس الحب الحقيقي بالنسبه ليك/ليكي؟
اعتقد أن دي حاجات تتحس ا تتقلش
طبعا مع مراعاه المواصفات المتوسطة علي الأقل في الشخص اللي بنحبه
هل الحب بيدوم علي طول؟
دي الحاجة الوحيدة اللي بتموت بعد الإنسان مش قبله
في نظرك, يعني ايه اتنين بيحبوا بعض بس مش بجد؟
كلااااااااااااااااااااااااام فااااااااااااااااااااااااااااااااااااارغ ولعب عيال زي كده وانا صغير
للمتزوجين فقط؟انت لسة بتحب مراتك؟
طيب فاكر واحدة من اللي قبلها ولا خلاص؟
هو انا لسه ما اتجوزتش بس في طريقي للجواز بس اعتقد اني هفضل أحبها علطول و عمري ما هافكر في واحده قبلها لأنه فعلا ما فيش حد قبلها واعتقد برده أنه مش ممكن يبقي فيه بعدها حد
ايه مفهوم الغيرة عندك؟
انتو ممكن تقولوا مجنون فعلا انا غيوررررررررررررررر جدا بغير عليها من نظره الشمس ليها من لمسه الهوا مش بس من الولاد لأ بغير من أبوها وأعمامها و أخوالها طب أقولكو حاجة غريبة أنا ساعات بغير من أمها و أخواتها بس ده سر أوعي حد يقولوها . انتو عارفين كمان انا ساعات لا ده علطول ببقي عايز ما حدش يشوفها ولا يكلمها غيري بس اعمل ايه ما هي بردوا لازم تعيش و تتعلم وتخرج وتيجي بجد قوللي اعمل ايه
ايه مواصفقات البنت/الولد(للبنات) اللي انت نفسك تكمل حياتك معاها؟
تكون خطيبتي بكل اللي فيها بجمالها ورقتها ودلعها و كمان رخمتها و زعلها وغيرتها تكون بطولها وفي نفس حجمها من الأخر تكون هي وهي مفيش زيها أتنين اتخلقوا ,ربنا خلق واحده بس و ان شاء الله يجعلها ليا بس
و هل لاقيت ده موجود في البنت اللي بتحبها حاليا؟
هو اساسا مفيش غير اللي حاليا ما كنش فيه سابقا
أو هل لاقيت ده موجود عامه؟
انتو عايزين الصراحة ولا ,انا فعلا فيها حاجات أكتر ما انا كنت باحلم في خيالي وف نومي وبردو فيها حاجات صغيرة اوي مضيقاني بس انا عارف ان الكمال لله وحده عشان كده انا مبسوط بيها أوي يمكن مش ببين ده أوي أدامها بس فعلا انا بحبها اوي وازاي ما احبهاش وهي كل حاجة صغيرة فيها بتضايقني ألاقي أقصدها 100 حاجة بتفرحني أعمل إيه دا انا حمار لما بزعلها بحد دي حياتي كلها
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
لو ما فيهوش حاجة تغضب ربنا وادام الاهل عارفين و أدام هيبقي فيه جواز وانا مش بقول اخره جواز لأن الحب مش أخره الجواز ده الجواز ده هو بدايه الحب الحقيقي ,يبقي ليه حرام لو فيه كل د
صف نفسك كمحب في كلمه او جمله صغيرة
مجنون بيها
السلام عليكم
شكرا يا جهاد علي جوابك.
و انا عارفك و مصدق كل كلمه انت كتبتها, و متنساش يا عم جهاد ان انا أول واحد أخدت بالي و قلتلك, ديه تسجلها في دماغك طول عمرك و تحكيها لأولادك.
هاى فعلا الموضوع دة مهم جدا خصتا ان فى كتير ميعرفوش معنى الحب لا ادعم انى اعلمة كاملا لانى مهما عشت و كان لدى من الخبرات لا اقدر على اضاحتة كاملا و اقترح ان ينشر فى مجال اوسع من هدا مع دكر اعمار المعلقين
انا هجاوب على احبة تمام
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
هى ماما مش علشان هى الى ربتنى و تعبت فيا و الفلم دة لكن علشان هى مكافحة اوى و قوية و امراءة عاملة ناجحة جدا بسو مش معنا كيدا اننا مبنشدش سوا لا دة طبيعى لكن هيا شخصية عظيما
امتي أول مرة تشوف اثنين بيحبوا بعض, و قلت هو ده الحب بجد؟
هما زوجين انا بحترمهم اوى يبلغان من العملر ما يتعدى الستين فاكثر و خلاصت الموضوع ان الرجل مبيخلفش و هى بتموت فى الاطفال اصلا و وافقات اغلعيش معاة حتى الان لا فى رخاء لا تجدة بسهولة
ايه مقاييس الحب الحقيقي بالنسبه ليك/ليكي؟
اما بقى مقيس الحب الحقى
ان يكون حب الكافة الارجح فية هو رضا ربنا و تاني حاجة الاهل (يعنى بعلمهم غير كيدا ملوش لزمة) و مش علشان نرضى الطرف الاخر نوقع الكافة الارجح و الاصلية و الدائمة
و يكون حب صريح ولكن مع نفسك قبل اى شىء
و اكرم ما فى الحب للطرفين البدايات الرسمية لكى تكتمل الصراحة و الثقة و بداية التخطيط للمستقبل الملى بالسعادة و النجاح و التجدد للاسرة بكاملها
و ان يتمنى كل طرف للاخر الافضل و يجمع بينهم الحب كمعنى
هو دة مقياس الحب وان كنت اكملت بناء مقياسى قريبا هاها
في نظرك, يعني ايه اتنين بيحبوا بعض بس مش بجد؟
دول يا كل واحد بيتحك على نفسوا يا فاكر نفسة كوول و بيتحك على التانى استعباط و فراغ
هل الحب بيدوم علي طول؟
نعم الحب دائم و ان كانت تهب علية الريح مش المحملة بالتربة لكن المحملة بمشاكل الحياة من ملل و روتين و هكدا يعنى ولكن الى فى القلب فى القلب وبدكاء الطرفين يكونوا قادرين على البعد عن المشاكل قبل ظهورها او حلها بعد و جودها
ايه مفهوم الغيرة عندك؟
عندى انا هى الغيرة حاجة فطرية و ان كانت تختلف بدرجات لا تحصى بين الناس يعنى مثلا غيرة الشباب غير غيرة الرجل الناضج(فتجد غيرة الاخ غير غيرة الاب كدالك غيرة الخت الاكبر غيرة الام)
هل الحب حرام؟,
انا اخاف افتى لكن اى حاجة بما يرضى الله مفهاش مشكلة
مين اول شخص عرفت أنك بتحبه, يعني انك نفسك يبقي معاك علي طول, و نفسك تبقي مثله؟؟و ليه؟
*سيدنا محمد عليه الصلاه والسلام هو مثلى الأعلى فى الدنيا وخير خلق الله كان نفسى أبقى فى زمنه وأشوفه وأكون أخته أو زوجته أو بنته أو حتى خادمته
أمتي أول مرة قلبك اتحرك ناحية بنت (للولاد), او ولد (للبنات)؟؟, يا ريت تحكي عن المرة ديه شوية
*اول مرة قلبى أتحرك ناحية ولد كانت فى أولى أبتدائى كنت بشارك فى حفلة المدرسة وكان هو مجرد ولد فى تانية أبتدائى بيغنى وسط باقيت الولاد ماكنتش عارفة حتى أسمه ايه؟ بس الغريبة انه كان فى حياتى الحب الأول لغاية لمل بقيت فى تانية أعدادى وماحاولتش ةلا مرة طول الفترة دى انى أقرب منه لغاية ماروحت مدرسة تانية
امتي أول مرة تشوف اثنين بيحبوا بعض, و قلت هو ده الحب بجد؟
*بصراحة لغاية دلوقتى ما شوفتش اى علاقة حب أقدر أقول هو ده الحب بجد
كام واحدة حبيتها في حياتك ( للولاد ), و كام واحد حبتيه في حياتك ( للبنات ), و القصد حب مش شرط بجد؟
* فى حياتى حبيت مرتين
كام شخص منهم كان نفسك تكمل معاه حياتك؟
*واحد
طيب و امتي عرفت مين حبيته بجد و مين لأ؟
*دلوقتى
ايه مقاييس الحب الحقيقي بالنسبه ليك/ليكي؟
*طول عمرى عندى قناعة ان مافيش أنسان كامل على وجه الأرض ودى الحقيقة الطريقة الوحيدة الممكن نوصل بيها للكمال ان تعيش مع انسان يكملك وتكمله
هل الحب بيدوم علي طول؟
*أحيانا
في نظرك, يعني ايه اتنين بيحبوا بعض بس مش بجد؟
*أتنين بيضحكوا على بعض وبيضيعوا وقت
للمتزوجين فقط؟انت لسة بتحب مراتك؟ طيب فاكر واحدة من اللي قبلها ولا خلاص؟
*I am single
ايه مفهوم الغيرة عندك؟
*الغيرة غيرة يعنى أضايق كل ما حس أن فى بنت تانية بتقرب منه أو بتحاول تشغله عنى
ايه مواصفقات البنت/الولد(للبنات) اللي انت نفسك تكمل حياتك معاها؟
*انسان يعرف ربنا طيب ويتقى الله فيا حنين وطيب صادق وأمين ويكون شخصيته قوية وجدع ورااااااااجل بمعنى الكلمة وذكى وطموح ويحبنى ويحس بيا بعد كده لو عيوبه ايه؟؟ مش حتفرق معايا
و هل لاقيت ده موجود في البنت اللي بتحبها حاليا؟
أو هل لاقيت ده موجود عامه؟
*لا للأسف بس اكيد حلاقيه
هل الحب حرام؟, قصدي الحب يعني بنت أو ولد بتحبه و هو بيحبك و علي اتصال و علم بالحب اللي بينكم
*أكيد لا بس البيحصل من تجاوزات تغضب ربنا ده الحرام
صف نفسك كمحب في كلمه او جمله صغيرة
*وفيّة
انا اسمي نسمه وبحب واحد بس خايفه الحب مايدوم ياريت حد يرد
انا بحبه وهو بيحبني انا ساكنه وهو شاري بيت بس انا ساكنه وهو خايف وانا خايفه لما امشي ماشوفهوش تاني وهو خايف بس ياريت حد يرد بليييييييييييييييييييييز انا نسمههو اسمه احمدهو من القاهرة
وانا من القاهرةحد يشوفلي حل
بليييييييييييز
إرسال تعليق