بيبان القلب
وافتح بيبان القلب للهوى وغصب عنى يقفلة الهوى
كأنة طير مقصوص جناحة قص
قلقان ومش شبعان نظر ولا بص
وازاى يطير والكون بحالة قفص
قفص ولة ابواب مقفولة ما بينة وبين الاحباب
وافتح بيبان القلب للهوى وغصب عنى يقفلة الهوى
كأنة طير مقصوص جناحة قص
قلقان ومش شبعان نظر ولا بص
وازاى يطير والكون بحالة قفص
قفص ولة ابواب مقفولة ما بينة وبين الاحباب
يااااه يا منير, صدقت انا لما قلت انك دايما بتيجي عالجرح, ماهو يا اما انت ربنا خلقك علشان تداوي جراحنا بغناك و ألهمك كلام تقوله يشفي كل جرح و يوقف كل نزيف, يا اما انا حظي معاك كده .. كل ما احزن و انجرح القاك بتغني اغنيه و كأني اول مرة أسمعها .. أغنيه فيها رسايل كتيرة اكنك بتوجهها ليا ..
فتحت بيبان قلبك يا منير, سمحت للهوي انه يدخل جواك و تحضنه بقلبك الا انه قفل الباب و كأنه بيقولك مش عايز ... اقفل بابك .. و ترجع تقول انا اللي غلطان و ايه اللي خلاني فتحت الباب ..
شكرا لك يا منير
هناك تعليق واحد:
أنا قريت المدونة كلها وكنت عايزة أسيب تعلق على كل حاجة بس لقيت هيبقى شكلي ممل بقى
هكتفى أعلق على آخر بوست مكتوب وخلاص
مشكلة منير انه أحيانا من كتر ماهو بيلمسنا .. بيستهبل
:D:D
بالنسبة للهوى بقى .. يستهبل هو كمان بس استهباله عن استهبال منير يفرق طبعا
رضينا بالهوى والهوى مش راضي بينا
على فكرة، مش مجاملة واللخ
بس إحساسك عاالي ما شاء الله
:) :)
إرسال تعليق