عيل صغير

النهاردة شفت عيل صغير
كان ماشي بيجر رجل ورا رجل
حزين زعلان
ناس كتيره ماشيه حواليه
اخواته و اهله و اصحاب ليهم
بس هو مش لاقي لنفسه وجود وسطيهم
كل شويه يجي يطبطب حد عليه
يغضب و يرد الايد
و يمد لقدام

و يحس بوحده
يرجع يمسك ايد ابوه
يرفض ابوه ايده

يمسك ايد مامته
ترفض مامته ايده

و اخواته و الاصحاب و الكل

قلبه اتحرق علي نفسه و اتبكي
و مشي يمد
و يسرق امتار عالارض
و يمد و يمد لحد ما اختفي و تاه وسط الناس
و تاه من اهله

الناس كلها قعدت تدور عليه
بس اختفي