السلام عليكم
انا هدخل في الموضوع علي طول علشان الكلمتين واقفين بقالهم كثير..
أنا مش لاقي لازمة خالص للكلية..
يعني لا علم ولا دكاترة ولا مناهج ولا طلبة
ولا حتي صحبه
ولا أي حاجة
صحراء جرداء مملة و خنيقة
كفاية المشوار الممل من الهرم لحلوان, المشوار القميء, المشوار اللي عبارة عن شرذمة من الرتفعات و المنخفضات.
نفسي اروح الكلية بس كل مرة اخد القرار اسأل نفسي أروح لييييه, مافييش اجابة خالص.
طيب اروح لييه.؟؟
لو علي المذاكرة هما الملزمتين اللي في الاخر بيقضوا الغرض و بيجيبوا امتياز, علشان الامتحان بيجي بالنص من الملزمة علشان الكوسة اللي مزروعة في انحاء الجمهورية..
معلش بقي انا اتعصبت عليكوا بس من غلبي..
المجال بتاعي رائع بس الدراسة مقرفة
تصدقوا اني بذاكر مع نفسي في البيت بعيد عن مناهج الكلية
بس بذاكر نفس المجال
و مستعد اقف قصاد أحمر طالب بيجيب امتياز و اوريله انه مش عارف اي حاجة في أي حاجة..
ولا الدكاترة يا عيني عليهم
فعلا هما دول اللي ماسكين اقتصاد البلد
علشان كده حالنا طييييينة
يخرب بيت البلد ديه
مش قصدي مصر الجميلة طبعا
انا قصدي ما هي عليه
و أقسم الا تبقي هكذا
انتظروني ... او اسبقوني
انا هدخل في الموضوع علي طول علشان الكلمتين واقفين بقالهم كثير..
أنا مش لاقي لازمة خالص للكلية..
يعني لا علم ولا دكاترة ولا مناهج ولا طلبة
ولا حتي صحبه
ولا أي حاجة
صحراء جرداء مملة و خنيقة
كفاية المشوار الممل من الهرم لحلوان, المشوار القميء, المشوار اللي عبارة عن شرذمة من الرتفعات و المنخفضات.
نفسي اروح الكلية بس كل مرة اخد القرار اسأل نفسي أروح لييييه, مافييش اجابة خالص.
طيب اروح لييه.؟؟
لو علي المذاكرة هما الملزمتين اللي في الاخر بيقضوا الغرض و بيجيبوا امتياز, علشان الامتحان بيجي بالنص من الملزمة علشان الكوسة اللي مزروعة في انحاء الجمهورية..
معلش بقي انا اتعصبت عليكوا بس من غلبي..
المجال بتاعي رائع بس الدراسة مقرفة
تصدقوا اني بذاكر مع نفسي في البيت بعيد عن مناهج الكلية
بس بذاكر نفس المجال
و مستعد اقف قصاد أحمر طالب بيجيب امتياز و اوريله انه مش عارف اي حاجة في أي حاجة..
ولا الدكاترة يا عيني عليهم
فعلا هما دول اللي ماسكين اقتصاد البلد
علشان كده حالنا طييييينة
يخرب بيت البلد ديه
مش قصدي مصر الجميلة طبعا
انا قصدي ما هي عليه
و أقسم الا تبقي هكذا
انتظروني ... او اسبقوني
هناك ٥ تعليقات:
قشطة
استطيع الجزم بأنك فى كليه حاسبات ومعلومات بنسبه 95% اه والله اصلي كدا بردو بس انا فى الزقازيق والمسافة اصلا بيني وبين حلوان 45 دقيقة بالكتير قوي
شوفت الذل
بس لو فعلا حاسبات يبقي كلامك كله بينطبق عليا بالظبط
تحياتى كتير قوي
تشي
l2 mohamed f tegra helwan bas ya mohamed ezay hayba2 fe so7ba w asln mafesh merwah w enta arfan mn el kolaya asln w bel nesba ll kosa fa da wad3 tabe3ee ehna wa3'den tawkel el kosa f kol el donia
السلام عليكم
ازيك على فكره انا صاحبه بلوج يوميات موظفة استقبال وعلى فكره احنا نعتبر زمايل عشان انا برضه خريجه جامعه حلوان كلية تجارة ربنا معاك يابنى بس عاوزة اقلك متعتمدش في الاخر على الملازم عشان لو عايز تجيب تقدير لازم تكتب باسلوبك
ولازم تقتنع ان الدكتور مش عاوز نسخة منه في ورقه الامتحان
نصيحة منى لخص اللي انته فهمته واكتبه في اى كشكول وبعدين قبل الامتحان ابقي ارجعله بجد هتفتكر كل حرف فيه صدقنى انا عملت كده وجبت تقدير جيد جدا
ربنا معاك
واحدهبرضه
وعلى فكره الفلحوس بتاعي بيسلم عليك
سلام
شكرا لتعليقاتكم يا جماعة
احساس جميل اني أحس أني مش انا بس اللي قرفان, و ان الناس كلها حاسة باللي انا حاسس بيه..
علي العموم, انا عارف اني لازم انزل الكلية..
بس زي ما قلتقلكم اليوم اللي بنزل فيه بحس اني رحت اديس ابابا مثلا, ناس غريبة عني و بعيدة و كل ما أعرف حد يتوه مني..
ما علينا.. المهم اني مبسوط انكم معايا في الرأي..
خصوصا الفلحوس بتاع موظفة الاستقبال..
لا بصراحه يامحمد انا كليتي الكوسه قليله فيها مش اوي يعني بس قليله احضر محاضراتك وظبط مع الكتاب وهتتظبط بتقدير في الامتحان
بس طبعا ربنا يرحمنا من بخل الدكاتره في التقديرات
اما بقه بالنسبه لجو الكليه فانا الاول كنت كارهاها جدا وكارهه اصحابي لدرجهخ اني كنت بروح مغصوبه علي اليوم لحد متظبطط واحده واحده وكونا شله جميله
إرسال تعليق